जळगाव मिरर | २१ जून २०२५
एरंडोल तालुक्यातील सेंट मेरी पब्लिक स्कूल मध्ये आज आंतरराष्ट्रीय योग दिवस मोठ्या उत्साहात साजरा करण्यात आला. या कार्यक्रमात शाळेतील सर्व विद्यार्थी आणि शिक्षकांनी उत्स्फूर्त सहभाग घेतला. कार्यक्रमाची सुरुवात शाळेच्या मुख्याध्यापक सिस्टर पेप्सी यांच्या मार्गदर्शनाने झाली. यानंतर योग शिक्षक सत्यनारायण पवार यांच्या मार्गदर्शनाखाली विद्यार्थ्यांनी विविध योगासने, प्राणायाम व ध्यानधारणा केली.
कार्यक्रमात त्यांनी योगाचे महत्त्व, फायदे आणि नियमित योगाभ्यासाचे परिणाम यावर सविस्तर माहिती दिली. यामध्ये विद्यार्थ्यांनी सामूहिक योगासने अत्यंत सुसंगतपणे करत शारीरिक व मानसिक आरोग्याचा संदेश दिला. शाळेचे पर्यवेक्षक, शिक्षक, पालक व स्थानिक नागरिकांनी देखील कार्यक्रमास मोठ्या संख्येने उपस्थिती लावली. कार्यक्रमाचे आयोजन विना राठ व मनीषा जैन यांच्या मार्गदर्शनाखाली करण्यात आले. कार्यक्रमाच्या शेवटी मनिषा जैन यांनी आभार मानले व विद्यार्थ्यांनी योगाभ्यास करण्याचे आवाहन केले.
