जळगाव मिरर | २६ डिसेंबर २०२३
जळगाव शहरातील एका परिसरात राहणाऱ्या १४ वर्षीय अल्पवयीन मुलाचे घरातून अपहरण केल्याची घटना रविवारी सायंकाळच्या सुमारास उघडकीस आली. याप्रकरणी अपहरण करणाऱ्या अज्ञात व्यक्तीविरुद्ध शहर पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, शहरातील शहर पोलीस ठाण्याच्या हद्दीत मध्यप्रदेशातील रहिवासी असलेले कुटुबिय वास्तव्यास असून त्यांचा १४ वर्षीय मुलाला घरी असतांना त्याचे कोणत्या तरी अज्ञात व्यक्तीने अपहरण केल्याचे उघडकीस आले. त्यांनी मुलाचा संपूर्ण परिसरात शोध घेतला, मात्र तो मिळून न आल्याने अखेर त्यांनी शहर पोलीस ठाण्यात तक्रार दिली. त्यांच्या तक्रारीवरुन अज्ञात व्यक्तीविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक सर्जेराव क्षिरसागर हे करीत आहे.