जळगाव मिरर | २ जुलै २०२५
यावल तालुक्यातील सावखेडासिम जवळील निंबादेवी धरणात जळगाव येथील रामेश्वर कॉलनी भागातील आठ तरुण हे रविवारची सुट्टी असल्याने निंबादेवी धरणावर आले असता होते. दरम्यान यातील एक १८ वर्षीय तरुण हा पोहण्याच्या नादात खोल पाण्यात बुडून बेपत्ता झाल्याची घटना घडली होती. अखेर धरणात पट्टीच्या पोहणाऱ्यांनी शोध मोहीम राबवल्यानंतर तिसऱ्या दिवशी मृतदेह सापडला आहे.
सविस्तर वृत्त असे कि, जळगाव येथुन रविवारी दुपारी ३ वाजेला निघालेले सर्व तरूण ४.३० वाजेला धरणावर पोहचले व सांयकाळी पाच वाजेच्या सुमारास यातील काही तरूण धरणाच्या पाण्यात आंघोळी करीता उतरले होते. मात्र यात जतीन अतुल वार्डे (वय १८) रा. रामेश्वर कॉलनी जळगाव हा अचानक खोल पाण्यात गेला आणी बुडला. त्याला वाचण्याचा प्रयत्न तरूणांनी केला.
मात्र कुणालाचं पोहता येत नसल्याने खोल पाण्यात कोणी जावू शकले नाही. याबाबत तात्काळ पोलिसांना माहिती देण्यात आली. घटनास्थळी पोलिस दाखल झाले होते मात्र अंधार पडल्याने पोलीसांनी आपली शोध मोहिम थांबवली. तसेच सोमवारी देखील शोध मोहीम राबवण्यात आली. मात्र मृतदेह गवसला नाही. पोलिस निरिक्षक रंगनाथ धारबळे यांनी व त्यांचे सहकारी सहायक फौजदार विजय पाचपोळे, हवालदार अर्षद गवळी, मुकेश पाटील, अमित तडवी, संतोष पाटील या पथकाने आज मंगळवारी तरुणास शोधण्यासाठी गेले होते. तसेच मारुळ व लोसनबर्डी येथील पट्टीच्या पोहणाऱ्यांनी शोध मोहीम राबवली. अथक शोध मोहीमेनंतर त्या तरूणाचा मृतदेह मिळून आला आहे. यावलच्या ग्रामीण रुग्णालयात डॉ प्रशांत जावळे यांच्याकडून मयत तरुणाच्या मृतदेहाचे शवविच्छेदन करण्यात येत आहे
