जळगाव मिरर | १६ जानेवारी २०२४
जामनेर शहरात दि.१५ जाने. महान कुस्तीपटू ऑलिम्पिक पदक प्राप्त स्वर्गीय खाशाबा जाधव यांच्या जयंतीनिमित्त जामनेरपुरा येथील इंदिराबाई ललवाणी माध्यमिक व उच्च माध्यमिक विद्यालयात महाराष्ट्र क्रीडा दिन साजरा करण्यात आला.
सुरुवातीस महान कुस्तीपटू ऑलम्पिक पदक प्राप्त स्व.खाशाबा जाधव यांच्या प्रतिमेचे पूजन व माल्यार्पण उपप्राचार्य प्रा.के एन.मराठे यांच्या हस्ते करण्यात आले, याप्रसंगी ज्येष्ठ शिक्षक प्रा.डी.झेड.गायकवाड, प्रा.विजय पाटील, गजानन कचरे, प्रा.सोनूसिंग पाटील, प्रा.जे.आर.पाटील,प्रा.सौ.मनीषा घडेकर, प्रा.कोमलसिंग परिहार, प्रा.सतीश क्षीरसागर, प्रा.माधुरी तायडे आदी. शिक्षक बंधू-भगिनी तथा विद्यार्थी वर्ग,खेळाडू उपस्थिती होते.
आजचा दिवस राज्य क्रीडा दिन म्हणून का साजरा केला जातो याविषयी माहिती तसेच स्वर्गीय खाशाबा जाधव यांच्या क्रीडा कारकीर्द याविषयी माहिती क्रीडा शिक्षक प्रा.समीर घोडेस्वार यांनी विद्यार्थ्यांना दिली. कार्यक्रमासाठी मुख्याध्यापक एस आर चव्हाण, क्रीडा विभाग प्रमुख जी सी पाटील यांचे मार्गदर्शन लाभले तर आयोजन क्रीडा शिक्षक गजानन कचरे, प्रा.समीर घोडेस्वार यांनी केले.