जळगाव मिरर | २८ फेब्रुवारी २०२४
रोझलँड इंग्लिश मीडियम विद्यालयात 27 फेब्रुवारी रोजी मराठी राजभाषा दिवस म्हणजेच मराठी भाषा दिन मोठ्या उत्साहात साजरा करण्यात आला. २७ फेब्रुवारी हा दिवस म्हणजे प्रसिद्ध ज्येष्ठ लेखक,कवी,कादंबरीकार विष्णू वामन शिरवाडकर म्हणजेच कुसुमाग्रज यांचा जन्मदिवस. कुसुमाग्रज यांच्या जन्मदिनी त्यांना आदरांजली अर्पण करण्यासाठी दरवर्षी मराठी भाषा दिन म्हणजेच मराठी राजभाषा दिवस साजरा केला जातो.
कुसुमाग्रज यांची जयंती तसेच मराठी राज्यभाषा दिवस याचे औचित्य साधून रोझलँड इंग्लिश मीडियम विद्यालयात विविध कार्यक्रमाचे आयोजन करण्यात आले होते.कार्यक्रमाला प्रमुख पाहुणे म्हणून रोझलँड मराठी माध्यमाच्या मुख्याध्यापिका सौ . वंदना सोले मॅडम लाभले होते. तसेच इंग्रजी माध्यमाच्या मुख्याध्यापिका सौ. हर्षा खडके यांचे मार्गदर्शन लाभले.
कार्यक्रमाची सुरुवात माता सरस्वती च्या प्रतिमेस पुष्पहार अर्पण करून व विद्यालयातील वर्ग ६,७ वी च्या विद्यार्थिनींनी गायलेल्या स्वागत गीताने झाली. त्यावेळी मंच्यावर कार्यक्रमाला लाभलेले प्रमुख पाहुणे, संस्थाअध्यक्ष,शाळेचे मुख्याध्यापिका,उपमुख्याध्यापिका, शिक्षकवृंद इत्यादी मान्यवर उपस्थित होते. कार्यक्रमांमध्ये पुढे शाळेच्या विद्यार्थ्यांनी कार्यक्रमाची प्रस्तावना केली. कु.कृतिका खैरनार, कु. सान्वी साबळे, सायंन बेरा, नैतीक राऊत तसेच मराठी विषय शिवणाऱ्या शिक्षकांचा गौरव विद्यार्थिनींच्या हस्ते करण्यात आला. तसेच शिक्षकांनी मार्गदर्शन पर भाषण केले. या भाषणात त्यांनी विद्यार्थ्यांना मराठी भाषेचा इतिहास, मराठी भाषेतील विविध महान ग्रंथ व कवी यांच्या बद्दल माहिती सांगितली. वर्ग तिसरी चौथी पाचवी या विद्यार्थ्यांनीही मराठी भाषेचा इतिहास, मराठी कविता, मराठी कथा यांचे उत्तम सादरीकरण केले.
तसेच विविध सांस्कृतिक कार्यक्रम पण आयोजित करण्यात आले होते. विद्यार्थिनींनी नऊवारी साडी व फेटे असा पारंपरिक पेहराव करून मराठी दिनाची शोभा वाढविली. यानंतर बाल कलाकारांनी यांनी आपले वक्तृत्व केले. मराठी भाषा ही आपली माता आहे. मराठी भाषेला अधिकाधिक संपन्न करण्यासाठी व तिच्या समृद्धीसाठी ज्या साहित्यिक महात्म्यांनी आपले जीवन व्यतीत केले. त्यांच्याबद्दल आपण ऋणी असले पाहिजे असे संदेश दिला. व तसेच प्रत्येकाने मराठी भाषेतील साहित्याचा अभ्यास करून तिची किर्ति जगामध्ये दुरवर पसरली पाहिजे असे आवाहन त्यांनी केले. सर्व शिक्षकांच्या उपस्थितीत कार्यक्रम उत्तम संपन्न झाला. ६ वी वर्गाच्या विद्यार्थिनी कु. वेदश्री टेंभरे हिने कार्यक्रमाचे आभार प्रदर्शन करून अध्यक्षांच्या वतीने कार्यक्रम संपला असे जाहीर केले
