जळगाव मिरर | १७ जून २०२३
भुसावळ शहरात महामार्गावरील खुशबू हॉटेलसमोर एका चारचाकी वाहनाला वाचविण्याच्या नादात कच्चे खाद्य तेल घेऊन जाणारे टँकर उलटले. या अपघातात सुदैवाने कुठलीही जीवितहानी झाली नाही. तेलाचे टँकर उलटल्याची चर्चा वाऱ्यासारखी पसरली अन् अनेकांनी तेल भरण्यासाठी मोठी गर्दी केली होती. ही घटना शुक्रवारी दुपारी घडली.
अपघातग्रस्त टैंकर सोयाबीनचे कच्चे तेल गुजरातकडे घेऊन जात असल्याची माहिती प्राप्त झाली आहे. नागरिकांनी तेल भरण्यासाठी एकच झुंबड केल्याने पोलिसांनी घटनास्थळी धाव घेतली होती. गुजरातमधील अंजिराकडे सोयाबीनचे तेल घेऊन जाणारे टँकर क्रमांक जी. जे. १२ बी. एक्स. ९३२५ आज दुपारी चार वाजेच्या सुमारास खुशबू हॉटेलसमोर राष्ट्रीय महामार्ग क्रमांक उलटले कारला वाचवण्याच्या नादात हा अपघात घडला. टँकर उलटल्याने रस्त्यावर तेलाचा सडा पडला. रस्त्यावर तेल सांडल्याची माहिती वाऱ्यासारखी पसरली फेकरी व इतर आजूबाजूच्या नागरिकांनी तेल भरण्यासाठी एकच गर्दी केली. तेल हे रिफायनरीमध्ये जात असल्याने अशुद्ध तेलही नागरिकांनी भरून नेले घटनास्थळी प्रशिक्षणार्थी डीवायएसपी व तालुका पोलिस निरीक्षक सतीश कुलकर्णी व पथकाने घेतली. टोलनाक्यावरील अॅम्बुलन्स व त्यांचे वैद्यकीय पथक घटनास्थळी दाखल झाले. टँकरमधून पडणारे तेल थांबविण्यासाठी चालकाने प्रयत्न करत असल्याचे चित्र दिसत होते.
