जळगाव मिरर । ३० जानेवारी २०२३ ।
राज्यातील सावकारी पद्धत सर्वाना माहित आहेच, या सावकारीच्या वेढ्यातून शेतकरीपासून ते थेट मजुरापर्यत कुणीही सुटलेले नाहीत. अशीच एका धक्कादायक घटना कोल्हापुरातून समोर आली आहे.
एका महिलेने सावकाराचे कर्ज न फेडल्याने महिलेला अपशब्द वापरत धमकी दिल्याचा धक्कादायक प्रकार उघडकीस आला आहे. एवढेच नव्हे तर, कर्ज वसुलीसाठी महिलेला गुंडांकडून मारहारणही करण्यात आली आहे. या सावकाराने कर्ज फेडा अन्यथा वेश्याव्यवसाय करायला लावू अशी धमकी दिली आहे. या धक्कादायक घटनेमुळे सर्वत्र एकच खळबळ उडाली आहे.
धमकी देण्यात आलेल्या महिलेनी सावकाराकडून 25 लाखांचे कर्ज घेतलं होतं. त्यावर आता सावकार जबरदस्तीने 85 लाखांची वसुली करण्याचा प्रयत्न करत आहे. पीडित महिलेने दिलेल्या माहितीनुसार, सावकाराच्या या त्रासाला कंटाळून अखेर पीडित महिलांनी पोलीस ठाणे गाठले. मात्र, येथे महिलेला कागदपत्र सादर करण्या सांगत जाण्यास सांगण्यात आले. या प्रकरणात पोलीस प्रशासन सहकार्य करत नसल्याचे महिलेचे म्हणणं आहे. गुंडांच्या भीतीमुळे महिलेच्या मुलांना घराबाहेर पडण्यास भीती वाटत आहे.
