जळगाव मिरर | २९ जुलै २०२५
रस्ता लुट प्रकरणातील मास्टरमाईंडला स्थानिक गुन्हे शाखेच्या पोलिसांनी धुळे तालुक्यातील वणी येथून एकाला अटक केली आहे. तर अन्य दोन फरार आरोपींचाही शोध घेतला जात आहे. त्यास अमळनेर पोलिसांच्या स्वाधीन करण्यात आले आहे.
सविस्तर वृत्त असे कि, धरणगाव पोलिस ठाण्यात रस्ता लुटीचा १६ डिसेंबर २०२४ रोजी गुन्हा दाखल करण्यात आला होता. यात धुळे जिल्ह्यातील मळाणे, वणी येथील अभिजित भरतसिंग राजपूत (वय २७), पारोळा तालुक्यातील तामसवाडी येथील अक्षय उर्फ घोडा भीमराव पाटील (बागुल, वय २१), धुळे जिल्ह्यातील सातरणे येथील संभाजी पाटील, धुळे जिल्ह्यातील नवलनगर येथील अजय भाईदास थोरात यांनी संगनमत करुन त्यांनी ही लूट केल्याचे स्थानिक गुन्हे अन्वेषण शाखेचे हवालदार संदीप पाटील, हवालदार प्रवीण मांडोळे यांनी निष्पन्न केले. त्यावरुन अक्षय उर्फ घोडा पाटील यास ५ फेब्रुवारीला अटक करण्यात आली होती. परंतु, त्याचे साथीदार अभिजीत राजपुत, अजय थोरात, संभाजी पाटील हे फरार होते.
हा गुन्हा करण्याची पूर्ण योजना आरोपी अभिजीत राजपुत याची होती. तेव्हापासून आजपर्यंत धरणगाव पोलिस तसेच जळगाव येथील स्थानिक गुन्हे शाखेचे पथक त्याचा शोध घेत होते. स्थानिक गुन्हे शाखेचे वरीष्ठ पोलीस निरीक्षक संदीप पाटील यांनी पो. उ.नि. शरद बागल, हवालदार संदीप पाटील, हरीलाल पाटील, प्रवीण मांडोळे, पो.शि. राहुल कोळी, पो.शि. दर्शना पाटील, पो.शि. महेश सोमवंशी यांचे पथक तयार केले होते. त्यांना अभिजीत राजपूत हा मळाणे (वणी) या त्याच्या मूळ गावात आल्याची खात्रीशीर माहिती प्राप्त झाली होती. त्यावरून पथकाने मळाणे गावात सापळा रचला. परंतु, त्याला कुणकुण लागताच त्याने पळून जाण्याचा प्रयत्न केला. परंतु, पथकाने त्याला संधी न देता शिताफीने ताब्यात घेऊन अटक केली. त्यास पथकाने अमळनेर पोलिसांच्या ताब्यात दिले आहे. इतर २ आरोपीतांचा पोलिस शोध सुरु आहे. ही कारवाई जिल्हा पोलीस अधीक्षक डॉ. महेश्वर रेड्डी, अपर पोलिस अधीक्षक कविता नेरकर, अपर पोलीस अधीक्षक अशोक नखाते, अमळनेरचे उपविभागीय पोलीस अधिकारी विनायक कोते यांच्या मार्गदर्शनाखाली करण्यात आली.
