जळगाव मिरर । ४ फेब्रुवारी २०२३।
जळगाव महानगरपालिका आयुक्तपदाचा मॅट’ने निकाल देत आयुक्त देविदास पवार यांची बदली आदेश रद्द करत डॉ. विद्या गायकवाड यांची आयुक्तपदाचे आदेश काढण्याचे सूचना दिल्या होत्या. त्यानुसार शासनाने सायंकाळी आदेश काढत आयुक्तपदी डॉ. विद्या गायकवाड यांचे आदेश काढले आहे.
जळगाव महापालिका आयुक्त डॉ. विद्या गायकवाड यांना तडकाफडकी कार्यमुक्त केल्याचे आदेश २९ नोव्हेंबर २०२२ रोजी अचानकपणे आले. त्यांच्या जागी परभणी येथील आयुक्त देविदास पवार यांची नियुक्ती करण्यात आली होती. शासकीय आदेशानुसार त्यांनी तत्काळ मनपा मध्ये येत पदभार स्वीकारला होता. त्यानंतर देविदास पवार यांनी एकतर्फी पदभार स्वीकारण्यात आला असल्याचा आरोप करत डॉ. विद्या गायकवाड यांनी करत मॅट’ने मध्ये तक्रार केली होती. ‘मॅट’ने डॉ. गायकवाड यांच्या आदेशाला स्थगिती दिली. मात्र, निकाल लागेपर्यंत देविदास पवार हेच आयुक्तपदी राहतील, असे आदेश दिले होते. तब्बल दोन महिने तारीख वर तारीख होत मॅट’ने निकाल देत आयुक्त देविदास पवार याचे बदली आदेश रद्द केले होते. डॉ. विद्या गायकवाड यांचे आज शासनाने आयुक्त पदाचे आदेश काढत देविदास पवार यांचे अमरावती सहाय्यक आयुक्त पदाचे आदेश कायम ठेवले आहे.
