जळगाव मिरर । २४ डिसेंबर २०२२
टीव्ही मालिकेतील अभिनेत्रीची एका दुखद बातमी समोर आली आहे. त्याच्याने तिच्या चाहत्यांना मोठा धक्काच बसला आहे. सब टीव्हीच्या दास्तान-ए-काबुल या मालिकेत मुख्य भूमिकेत असलेली 20 वर्षीय टीव्ही अभिनेत्री टुनिशा शर्माने मालिकेच्या सेटवरच आपली जीवनयात्रा संपविल्याची धक्कादायक घटना घडली आहे. तिने एवढं टोकाचं पाऊल का उचललं, हे अद्याप कळू शकलेलं नाही.
Maharashtra | TV actress Tunisha Sharma committed suicide by hanging herself on the set of a TV serial. She was taken to a hospital where she was declared brought dead: Waliv Police
— ANI (@ANI) December 24, 2022
मीडिया रिपोर्ट्समधून समोर येत असलेल्या बातम्यांनुसार, टुनिशाने शोच्या सेटवरच हे पाऊल उचलले. तिने शोच्या मुख्य अभिनेत्याच्या मेकअप रूममध्ये गळफास घेऊन आपले जीवन संपवले. तिचा फासावर लटकलेला मृतदेह कोणीतरी पाहिल्यानंतर तिला तातडीने रुग्णालयात नेण्यात आले. जिथे तिला मृत घोषित करण्यात आले. टुनिशाने एवढं मोठं पाऊल उचलण्यामागचं कारण काय असेल, याबाबत सध्या कोणतीही माहिती मिळालेली नाही. मात्र सेटवर असे पाऊल उचलल्याने सगळ्यांनाच धक्का बसला आहे. टुनिशा अवघी 20 वर्षांची होती आणि इतक्या लहान वयात तिला लोकप्रिय शोमध्ये मुख्य भूमिका साकारण्याची संधी मिळाली होती. यामुळेच हा काळही तिच्यासाठी खूप चांगला होता. मालिकेच्या माध्यमातून ती घरोघरी पोहोचली होती. एवढ्या उमद्या अभिनेत्रीने उमेदीच्या काळातच केलेल्या आत्महत्येने सर्वत्र हळहळ व्यक्त होत आहे.
