जळगाव मिरर | २५ नोव्हेबर २०२३
वडील व मुलीचे नाते हे नेहमीच खूप प्रेमाचे असते, कधीही मुलीच्या डोळ्यात अश्रू बाप बघू शकत नाही पण एक धक्कादायक घटनेत सख्या बापानेच आपल्या मुलीवर चाकू हल्ला करीत संपवण्याचा प्रयत्न केलायची घटना वाशिम जिल्ह्यातील कारंजा तालुक्यातील कामरगाव येथील लाडेगाव याठिकाणी घडली आहे.
मिळालेल्या माहितीनुसार, मानोरा तालुक्यात असलेल्या हिवरा येथील १६ वर्षीय मुलगी लाडेगाव ऑटो पॉईंट चौकात उभी असून यावेळी मुलगी पिप्री मोडक येथे जाणार होती. या मुलीचे वडील तेथे आले आणि त्यांनी मुलीवर चाकू हल्ला चढवला. या हल्ल्यात मुलीच्या गळ्यावर आणि पाठीवर वार झाल्याने ती गंभीर जखमी झालीय. जखमी अवस्थेत तिला उपचारासाठी कामरगाव येथील ग्रामीण रुग्णालयात दाखल करण्यात आले. या घटनेची माहिती मिळाल्यानंतर पोलिसांनी घटनास्थळावरून चाकू हल्ला करणाऱ्या बापाला ताब्यात घेतले आहे.दरम्यान घटनेचा अधिक तपास धनज पोलीस करीत आहेत.
