विद्यार्थ्यांच्या कर्तृत्वाला सलाम; विवेकानंद प्रतिष्ठानमध्ये भव्य सत्कार समारंभ

जळगाव मिरर | १३ जुलै २०२६ 

दिनांक १० जुलै २०२६ रोजी महाविद्यालयात इ. १२ वी तसेच महाविद्यालयात प्रथम, द्वितीय आणि तृतीय वर्षात उत्तीर्ण झालेल्या विद्यार्थ्यांचा व विविध स्पर्धेत सहभागी झालेल्या विद्यार्थ्यांचा सत्कार करण्यात आला.

याप्रसंगी महाविद्यालयाचे अध्यक्ष.श्री.विनोद पाटील, माजी विद्यार्थी व कार्यक्रमाचे प्रमुख पाहुणे डॉ. वरुणराज नन्नवरे, शालेय समिती प्रमुख डॉ. महेंद्र शिरोडे सर, वरिष्ठ महाविद्यालयाचे प्राचार्य डॉ. रमेश बारी, कनिष्ठ महाविद्यालयाच्या प्रमुख डॉ. हर्षा खडके यांची प्रमुख उपस्थिती लाभली. कार्यक्रमाची सुरवात दीपप्रज्वलन व पाहुण्यांच्या सत्काराने करण्यात आली. कार्यक्रमाचा उद्देश व संस्थेच्या कार्याचा आढावा आपल्या प्रस्तानेतून डॉ. हर्षा खडके यांनी मांडला तर विद्यार्थ्यानी समाज शैक्षणिक प्रगती सोबतच सामाजिक व राष्ट्रीय हितासाठी देखील करावे असा संदेश देवून विद्यार्थ्यांना प्रेरित केले. सत्कार समारंभात इ. १२ वीच्या वर्गातून महाविद्यालय स्तरावर प्रथम पाच क्रमांकाने उत्तीर्ण झालेले विद्यार्थी, JEE Advance परीक्षेत उत्तीर्ण झालेले विद्यार्थी व महाविद्यालयातून प्रथम, व्दितीय आणि तृतीय वर्षातून उत्तीर्ण झालेले व विविध स्पर्धेत सहभागी झालेल्या विद्यार्थ्यांचा सत्कार उपस्थित मान्यवरांच्या हस्ते करण्यात आला.

यानंतर महाविद्यालयातील विद्यार्थ्यांना प्रमाणपत्र, ट्रॉफी आणि पुष्प देऊन गौरविण्यात आले. यानंतर महाविद्यालयाचे प्राचार्य डॉ. रमेश बारी यांनी आपल्या मनोगतातून विद्यार्थ्यांना ध्येय ठरवून त्यांच्या प्राप्ती साठी सर्वोतोपरी प्रयत्न करावा व There is No Shortcut for Success असा सल्ला दिला तर अध्यक्षीय मनोगतातून श्री. विनोद पाटील यांनी विद्यार्थ्यांच्या सर्वांगीण विकासासाठी व यशासाठी महाविद्यालय सदैव प्रयत्नशील राहील असा विश्वास देवून सर्व सत्कारार्थी विद्यार्थ्यांना त्यांच्या पालकांना व शिक्षकांना देखील शुभेच्छा दिल्या. कार्यक्रमाचे सूत्रसंचालन महाविद्यालयाचे ग्रंथपाल डॉ. हितेश ब्रिजवासी यांनी व समारोप प्रा. हितेंद्र सरोदे यांनी केले.

कार्यक्रमाच्या आयोजनासाठी डॉ. रमेश बारी, डॉ. हर्षा खडके व विवेकानंद प्रतिष्ठानचे प्रशासकीय अधिकारी श्री. दिनेश ठाकरे यांचे मार्गदर्शन लाभले तर कार्यक्रमाच्या यशस्वीतेसाठी डॉ. वैजयंती चौधरी, श्री. सुनील नारखेडे, डॉ. संतोष बडगुजर, श्री. सुनील बारी, श्री. प्रदीप सपकाळे, श्री. सागर पाटील आदींनी सहकार्य केले.