जळगाव मिरर | 6 ऑगस्ट 2026
जळगाव पोलिसांनी राबवलेल्या ‘ऑपरेशन सजग’ या विशेष सोशल एक्सपेरिमेंटदरम्यान शालेय विद्यार्थिनींच्या सुरक्षेशी संबंधित एक अत्यंत धक्कादायक प्रकार उघडकीस आला आहे.
मिळालेल्या माहितीनुसार, शहरातील एका मुलींच्या शाळेबाहेर दामिनी पथकाने गुप्तपणे कारवाई करत, विद्यार्थिनींना दप्तरात सहज लपवता येतील असे मिनी मोबाइल विकणाऱ्या आणि त्यांना गैरमार्गाला लावणाऱ्या रॅकेटचा पर्दाफाश केला आहे. विद्यार्थिनींच्या भविष्याला बाधक ठरणाऱ्या या गंभीर प्रकारामुळे पालक व शाळा प्रशासनात खळबळ उडाली आहे. गेल्या काही दिवसांपासून दामिनी पथकातील महिला अंमलदार साध्या वेशात संबंधित मुलींच्या शाळेबाहेर पाळत ठेवून होत्या. या महिला पोलिस स्वतः महाविद्यालयीन तरुर्णीच्या वेशात वावरत होत्या. शाळेच्या आवारात लावल्या जाणाऱ्या तात्पुरत्या स्टॉल्सच्या आडून काही व्यक्ती विद्यार्थिनींना केवळ ९०० ते १००० रुपयांत अतिशय लहान आकाराचे मोबाइल गुप्तरीत्या विकत असल्याचे उघड झाले. हे फोन आकाराने अत्यंत छोटे असल्याने पालक व शिक्षकांच्या सहज लक्षात येत नसत.
इतकेच नव्हे, तर हे व्यक्ती मुलींना स्वतःच्या मोबाइलवरून अनोळखी व्यक्ती किंवा मुलांशी संपर्क साधून देत असल्याचेही तपासात निष्पन्न झाले. दामिनी पथकाने तत्परता दाखवत काही विद्यार्थिनींकडून हे मिनी मोबाइल जप्त केले आहे. तसेच या घटनेचे गांभीर्य लक्षात घेऊन तत्काळ शाळा प्रशासन व संबंधित पालकांना बोलावून मुलींना त्यांच्या ताब्यात देत योग्य ते समुपदेशन करण्यात आले. शालेय क्यातील मुलींना अशा आमिषांना बळी पडण्यापासून रोखण्यासाठी पोलिसांचे हे पाऊल महत्त्वाचे मानले जात आहे.
