जळगाव मिरर | ३० ऑगस्ट २०२४
जळगाव जिल्हा कारागृह नेहमीच वादाच्या भोवऱ्यात सापडत असते. आज पुन्हा एकदा कारागृहात दोन गटात दगडफेक झाल्याची घटना घडली असून यात एक जण गंभीर जखमी झाला आहे. त्याला रुग्णालयात नेण्यात आले आहे.
मिळालेल्या माहितीनुसार, जळगाव जिल्हा कारागृह बॅरिकेट क्रमांक १ ते ४ आणि ९ ते १२ येथे वेगवेगळ्या गंभीर गुन्ह्यात दाखल असलेले कैदी यांच्यात जुना वाद उफाळून आल्याने दोन गटात सुरुवातीला किरकोळ वाद झाला. त्यानंतर या वादाचे रूपांतर दोन गटात हाणामारी होऊन तुफान दगडफेक करण्यात आली. या दगडफेकमध्ये सचिन सोमनाथ गायकवाड (वय 30 रा. सबजेल जळगाव) हा बंदीवान कैदी जखमी झाला आहे तर इतर किरकोळ जखमी झाले आहेत. त्यांना शासकीय वैद्यकीय महाविद्यालयात उपचारासाठी रवाना करण्यात आले आहे. हा वाद कोणत्या कारणासाठी झाला याची माहिती अद्यापसमोर आलेली नाही. घटनेची माहिती मिळाल्यानंतर सहाय्यक पोलीस अधीक्षक संदीप गावित, जिल्हापेठ पोलीस ठाण्याचे पोलीस निरीक्षक राकेश माणगावकर यांच्यासह किंवा जिल्हा कारागृहात दाखल झाले होते.
