जळगाव मिरर । १३ नोव्हेबर २०२२
राज्यात भरपूर लोक अंधश्रद्धेला बळी पडत असल्याचे चित्र गेल्या काही महिन्यापासून घडत आहे तर तशा घटना देखील समोर आल्या आहेत, अकोला येथील अंत्ययात्रेत उठून उभा राहिलेला तरुणाची घटना ताजी असतानाचा नागपूर येथे मुलगा होण्यासाठी सुनेला चक्क लिंबू पाणी सांगून राखेचे पाणी पाजण्याचा प्रकार समोर आला आहे.
नागपूर येथील एका उच्चभ्रू कुटुंबाने आपल्या सुनेला मुलगा व्हावा म्हणून झाडफूकीचा वापर केला. या विरोधात सुनेने दिलेल्या तक्रारीकडे दुर्लक्ष करणाऱ्या पोलिसांना न्यायालयाने दणका दिला. न्यायालयाच्या आदेशानंतर घरच्यांविरोधात गुन्हा दाखल करण्यात आला. पोलिसांनी दिलेल्या माहितीनुसार, सुनेला मूल व्हावे म्हणून तिच्यावर तंत्रमंत्राचा वापर करण्याचा प्रयत्न सासरच्यांनी केला. सुनेने लिंबू पाणी पिण्यास नकार दिल्याने तिचा शारीरिक व मानसिक छळ करण्यात आला. एवढेच नाही तर सुनेचा गळा आवळून तिच्यावर पेट्रोल टाकून जिवे मारण्याचा प्रयत्न करण्यात आला. सासरच्या छळाला कंटाळून पीडित तरुणीने नवीन कामठी पोलिस ठाण्यात तक्रार दाखल केली, मात्र पोलिसांनी ही कौटुंबिक बाब असल्याचे सांगून टाळाटाळ सुरू केली. अखेर पीडितेने न्यायालयात दाद मागितली. त्यानंतर पोलिसांनी पती, सासरा, मेहुणा, भावजय यांच्यावर गुन्हा दाखल केला.
पीडितेचा आरोप आहे की, घरगुती कारणावरून सासरचे लोक तिच्यावर वारंवार अत्याचार करत होते. तिला मारहाणही करीत होते. एवढेच नाही तर मुलगा जन्माला यावा म्हणून अंधश्रद्धा निर्माण करणाऱ्या ढोंगी बाबाकडे चलण्याचा आग्रह सासरचे लोक करीत होते. तंत्रमंत्राने भारलेले लिंबू, माती आणि पाणी मिसळून जबरदस्तीने खाऊ घालण्याचा प्रयत्न करण्यात आला. नकार दिल्याने गळा आवळून व पेट्रोल टाकून खून करण्याचा प्रयत्न करण्यात आला. न्यायालयाच्या आदेशानुसार आरोपी पती, सासरा, मेहुणा आणि मेहुणा यांच्याविरुद्ध कलम 156 (3), कलम 307, 498 (अ),294 अन्वये गुन्हा दाखल करण्यात आला आहे. , 506, 323, 34 आणि सहकलम 3,4 हुंडा प्रतिबंध. नवीन कामठी पोलिस ठाण्याचे पोलिस तपास करत आहेत. नागरिकांनी अंधश्रद्धा तसेच बुवाबाजीला बळी न पडता वैद्यकीय उपचार करावे असे आवाहन पोलिसांनी केले आहे.
