जळगाव मिरर | ३१ जानेवारी २०२४
राज्यातील अल्पवयीन मुलीसह महिलावर अत्याचाराच्या घटना नियमित घडत असतान नुकतेच नागपूरमधून एक धक्कादायक घटना उघडकीस आली आहे. ज्यामुळे महिलांच्या सुरक्षिततेवर प्रश्नचिन्ह निर्माण होतंय. एका शिक्षकानेच महिलांचे आक्षेपार्ह व्हिडिओ बनवल्याचं समोर येतंय. शिक्षक पिढी घडवतात, पण इथे शिक्षकानेच गैरकृत्य केलंय.
नागपूर राष्ट्रसंत तुकडोजी महाराज विद्यापीठाच्या जमनालाल बजाज प्रशासकीय इमारत परिसरामध्ये खासदार औद्योगिक महोत्सव सुरू होता. २७ ते २९ जानेवारी दरम्यान हा महोत्सव पार पडला. त्यावेळी महिलांच्या बाथरूममधून आक्षेपार्ह व्हिडिओ काढल्याची धक्कादायक घटना समोर आलीय. याप्रकरणी अंबाझरी पोलिसांनी एका आरोपीला अटक देखील केली आहे.
मंगेश विनायक खापरे (३७) असे आरोपीचे नाव आहे. आरोपी हा शहरातील एका खासगी शाळेत कला शिक्षक म्हणून कार्यरत आहे. त्यामुळे महोत्सवाच्या आयोजकांनी मुख्य गेट सजवण्यासाठी आरोपीला बोलावले होते. खासदार औद्योगिक महोत्सवादरम्यान हा धक्कादायक प्रकार उघडकीस आलाय. नागपुरमध्ये महिलांचा आक्षेपार्ह व्हिडिओ बनवणारा व्य्कती खाजगी शाळेचा कला शिक्षक आहे. मंगेश विनायक खापरे असं आरोपीचं नाव आहे. आरोपी कला शिक्षक असल्यामुळे त्याला महोत्सवाच्या आयोजकांनी मुख्य गेट सजवण्यासाठी बोलावलं होतं.