जळगाव मिरर । २६ मे २०२३
जिल्ह्यात यंदाच्या नव्या वर्षांपासून अनेक विभागात जळगाव एसबीच्या अनेकांना रंगेहाथ अटक केले आहे. आता पुन्हा एकदा यावल येथील भोजन पुरवठादाचे बिल मंजूर झाल्यानंतर त्यापोटी खुशाली म्हणून तडजोडअंती २० हजारांची लाच स्वीकारणार्या यावल आदिवासी प्रकल्पातील लेखापालास जळगाव एसबीच्या पथकाने रंगेहाथ अटक केल्याने लाचखोरांच्या गोटात मोठी खळबळ उडाली आहे. ही कारवाई शुक्रवारी दुपारी चार चाजेच्या सुमारास आदिवासी प्रकल्प कार्यालयात लेखापाल रवींद्र बी.जोशी यांनी लाच घेताच त्यांना अटक करण्यात आली आहे.
यावल तालुक्याच्या ठिकाणी आदिवासी वस्तीगृहाला तक्रारदाराची पत्नी चालवत असलेल्या बहुउद्देशीय संस्थेच्या माध्यमातून 2021-22 वर्षात भोजन पुरवठा करण्यात आला होता. त्यापोटी 73 लाखांचे बिल मंजूर होवून मिळालेदेखील मात्र काम करून देण्याच्या मोबदल्यात मंजूर बिलाच्या अर्धा टक्के अर्थात 36 हजार 500 रुपयांची लाच मागण्यात आली व त्यात 20 हजारात तडजोड झाल्यानंतर एसीबीकडे तक्रार दिल्यानंतर सापळा रचण्यात आला. आरोपीने आदिवासी कार्यालयातच लाच स्वीकारताच त्यास एसीबीकडे अटक केली. नाशिक एसीबीच्या पोलीस उपअधीक्षक शर्मिष्ठा वालावलकर यांच्या नेतृत्वात जळगाव एसीबीचे पोलीस उपअधीक्षक शशिकांत पाटील व सहकार्यांनी हा सापळा यशस्वी केला.
