पतीच हृदयविकारानं दुर्देवी मृत्यू झाला; पण पती गेल्याचा विरह पत्नीला सहन झाला नाही, व तिनं टोकाचं पाऊल उचलत पतीच्या अंत्यसंस्काराची तयारी सुरू असतानाच गळफास घेऊन आत्महत्या केली. नेमकं काय घडलं? धवल यांच्या अकाली मृत्युमुळे कुटुंबीय अस्वस्थ झाले होते. कुटुंब, नातेवाईक यांना अश्रू अनावर झाले होते. धवल यांच्या पत्नीचं काहीजणांनी सांत्वनसुद्धा केलं. हि घटना गुजरातमधील अमरेली जिल्ह्यात घडली आहे.
अमरेली जिल्ह्यातील लिलीया गावातील धवल राठोड यांचा हृदयविकाराच्या झटक्यानं मृत्यू झाला. त्यामुळे घरावर शोककळा पसरली होती. घरामध्ये अंत्यसंस्काराची तयारी सुरू होती. नातेवाईकांना याची माहिती देण्यात आली. आजूबाजूचे लोकही धवल यांच्या घरी पोहोचू लागले. मात्र त्यातच आणखी एक धक्कादायक प्रकार घडला. धवल यांची पत्नी प्रिन्सी हिने गळफास घेऊन आत्महत्या केली. घरातील आणखी एका मृत्यूनं कुटुंबीयांना मोठा धक्का बसला. या घटनेने संपूर्ण परिसरावर शोककळा पसरली आहे.
मात्र घरामध्ये अंत्यसंस्काराची तयारी सुरू असतानाच धवल यांच्या पत्नीनं गळफास घेऊन आत्महत्या केली. या दोघांचा सहा महिन्यांपूर्वी प्रेमविवाह झाला होता. मुलाच्या मृत्यूनंतर सुनेनं उचललेल्या या पावलामुळे कुटुंबातच नव्हे तर संपूर्ण गावात खळबळ उडाली. शोकाकुल कुटुंबाचे सांत्वन करण्यासाठी मोठ्या संख्येने लोक आले. संबंधित कुटुंबावर मोठा दुःखाचा डोंगर कोसळला असल्याने या कुटुंबाचं सांत्वन करण्यासाठी आलेल्या अनेकांना अश्रू अनावर झाले होते. पंचमहल जिल्ह्यातून धक्कादायक घटना आली समोर दरम्यान, दुसरीकडे गुजरातमधील पंचमहल जिल्ह्यातील कलोल तालुक्यातील व्यासडा गावातून एक हृदय पिळवटून टाकणारी घटना समोर आली आहे. पतीकडून होणाऱ्या रोजच्या छळाला कंटाळून 23 वर्षीय महिलेने गळफास घेऊन आत्महत्या केली. मीनाक्षी परमार असं मृत महिलेचं नाव आहे. ती गरोदर होती. या प्रकरणी वेजलपूर पोलिसांनी मृत महिलेचा पती हिमांशू परमार याच्यावर गुन्हा दाखल करून कारवाई सुरू केली आहे. मृताच्या भावाने पोलिसांना सांगितलं की, ‘बहिणीचा नवरा तिला मारहाण करत असे. आरोपीला कठोर शिक्षा झाली पाहिजे. माझ्या बहिणीच्या मृत्युला तोच जबाबदार आहे.’ गुजरातमध्ये एकीकडे पतीचा हृदयविकाराने मृत्यू झाल्यामुळे विरह सहन न झाल्याने पत्नीने आत्महत्या केल्याची घटना घडली, तर दुसरीकडे पतीच्या छळाला कंटाळून एका महिलेने आत्महत्या केली. या दोन्ही घटनांची जोरदार चर्चा सुरू आहे.
