जळगाव मिरर | २५ नोव्हेबर २०२३
भरधाव वेगाने धावत असलेल्या रिक्षाचे चाक निखळून झालेल्या अपघातात प्रवासी जखमी झाले. ही घटना दि. १४ रोजी चिंचोली गावाजवळ घडली होती. याप्रकरणी रिक्षाचालकाविरुद्ध एमआयडीसी पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, जळगाव शहरातील पिंप्राळा परिसरातील शंकरअप्पा नगरात माधूर योगेश वाघ या वास्तव्यास आहे. दि. १४ रोजी दुपारच्या सुमारास त्या दर्शन याला घेवून (एमएच १९ व्ही ८१९८) क्रमांकाच्या रिक्षाने उमाळा येथे त्यांच्या माहेरी जाण्यासाठी निघाल्या होत्या. रिक्षा चालक भरधाव वेगाने रिक्षा चालवित असल्याने चिंचोली गावाच्या पुढे असलेल्या वळणावर रिक्षाचे चाक अचानक निघाले. त्यामुळे रिक्षाचा अपघात होवून रिक्षात बसलेला दर्शन वाघ हा रस्त्यावर पडला. यामध्ये त्याच्या डोक्याला गंभीर दुखापत झाली. दरम्यान, रिक्षा चालक हा अपघाताची माहिती न देता तेथून निघून गेला. याप्रकरणी महिलेने दिलेल्या तक्रारीवरुन रिक्षा चालकाविरुद्ध गुन्हा दाखल करण्यात आला आहे. पुढील तपास पोहेकॉ गफ्फार तडवी हे करीत आहे.
