जळगाव मिरर / २८ फेब्रुवारी २०२३ ।
चोपडा तालुक्यातील अडावद येथील महाराणा प्रताप रोडवरील पंचवृक्ष चौकालगत रविवारी रात्री घरफोडी झाली. ही घटना सोमवारी उघडकीस आली. चोरट्यांनी ज्या घरात चोरी केली, त्याच घरात आधी चहा केला, तो प्यायल्यावर मग चोरी केल्याचे समोर आले आहे.
मिळालेली माहिती अशी कि, मंगळवारी पंचवृक्ष चौकात राहणाऱ्या पंढरीनाथ किसन धोबी यांच्या घरी चोरी झाल्याचे सोमवारी (दि. २७) सकाळी उघडकीस आले. पंढरीनाथ धोबी कुटुंबासह बाहेरगावी गेले होते. याचाच फायदा घेत अज्ञात चोरट्यांनी दि. २६ च्या मध्यरात्रीनंतर सुमारे पहाटे चार वाजण्याच्या सुमारास घराचे कुलूप तोडुन दहा हजार रूपये किमतीचे सोन्याचे दागिने व १२ हजार रूपये रोख असा सुमारे २२ हजार रुपयांचा मुद्देमाल लंपास केला व त्यासह धान्याची गोणीही चोरट्यांनी चोरून नेली. श्वान पथकाने घरापासून २०० मीटरपर्यंत माग दाखवला. घटनेची खबर मिळताच अडावद पोलिस ठाण्याचे सहायक पोलिस निरीक्षक गणेश बुवा यांनी भेट देऊन पाहणी केली. याप्रकरणी पोलिस उपनिरीक्षक चंद्रकांत पाटील, पोहेकाँ कैलास बाविस्कर, शरीफ तडवी हे पुढील तपास करत आहेत.
