जळगाव मिरर / १० फेब्रुवारी २०२३ ।
राज्याचे मुख्यमंत्री एकनाथ शिंदे यांचा वाढदिवस दि.९ रोजी जळगाव शहरात विविध सामाजिक उपक्रमांनी साजरा करण्यात आला. जिल्ह्याचे पालकमंत्री ना.गुलाबराव पाटील, मुख्यमंत्री सहायता निधीप्रमुख मंगेश चिवटे, कक्ष प्रमुख राम राऊत यांच्या सूचनेनुसार वंदनीय बाळासाहेब ठाकरे शिवसेना वैद्यकीय मदत कक्ष व डाँ श्रीकांत शिंदे फाउंडेशन यांच्या वतीने या सामाजिक कार्याचे आयोजन करण्यात आले होते.
दि ९ रोजी सकाळी ९ वा. शहरातील जिल्हा सामान्य रुग्णालयात गरजू नागरिकांना जेवनासह रुग्णांना फळ वाटप तर ११ वा. नवीन बस स्थानका शेजारी असलेल्या भजे गल्लीतील संत गाडगे बाबा बेघर नागरिकांची संपूर्ण आरोग्य तपासणी यासह ब्लकेट व भोजनाची व्यवस्था करण्यात आली होती. दुपारच्या सुमारास महावितरण कार्यालयाशेजारील गरीब वस्तीत ब्लकेट व भोजन वाटप करण्यात आले. त्याच नंतर तांबापुर परिसरातील नागरिकांचे आरोग्य उत्तम राहण्यासाठी भव्य महाआरोग्य शिबीर घेण्यात आले. यावेळी सुमारे ३०० रुग्णांनी या आरोग्य शिबिरातून आपले आरोग्य तपासणी करून घेतली. मुख्यमंत्री एकनाथ शिंदे यांच्या वाढदिवसानिमित जळगाव शहरातील सुमारे हजोरो नागरिकांनी या सामाजिक उपक्रमाचा लाभ घेतला.
या कार्यक्रमाचे प्रमुख पाहुणे म्हणून शिंदे गटाचे महिला जिल्हाध्यक्ष सरिताताई माळी-कोल्हे, महानगराध्यक्ष गणेश सोनवणे, नगरसेवक कुंदन काळे, किशोर बाविस्कर, चेतन सनकत, शोभा चौधरी, ज्योती शिवदे, आशुतोष पाटील, हर्षल मावळे, नवनाथ दारकुंडे यांची उपस्थिती लाभली.
या सामाजिक उपक्रमाचे आयोजन वंदनीय बाळासाहेब ठाकरे शिवसेना वैद्यकीय मदत कक्ष व डाँ श्रीकांत शिंदे फाउंडेशनचे जिल्हा संपर्क प्रमुख जितेंद्र गवळी, जिल्हा प्रमुख डॉ.मोईन देशपांडे, उपजिल्हा प्रमुख डॉ.विकास पाटील, उपजिल्हा प्रमुख राजेंद्र सपकाळे, विशाल परदेशी, विशाल निकम, दिपक पाटील, अनिल पवार, रोशन ठाकरे, सतिष सोनवणे, सागर सोनवणे, भुषण पाटील, गजेंद्र जाधव, धिरज राठोड, भाग्येश पाटील, किशोर जाधव, ज्ञानेश्वर सोनवणे यांच्यासह पदाधिकारी व कार्यकर्त्यांनी उत्तम नियोजन केले होते.
