जळगाव मिरर | २३ जून २०२५
भडगाव शहरातील शेतीच्या मालाची वाहतूक करणारे आयशर गाडी व ट्रॅक्टर हे रात्रीच्या वेळी ग्रीन पार्क कॉलनीमध्ये उभी असताना ग्रीन पार्क मधील दोन चोरट्यांनी तब्बल अकरा वाहनांच्या मोठ्या बॅटरी चोरल्याची घटना शहरात दि.२१ रोजी मध्यरात्री घडली. याबाबत भडगाव पोलीस स्टेशनला वाहनधारकांनी धाव घेतली असता पो. कॉ. प्रविण परदेशी, अमजद पठाण यांनी दोन तासातच दोघ भामट्यांना मोठ्या शिताफीने पकडून जेरबंद केले.
सविस्तर वृत्त असे कि, शहरातील चाळीसगाव रोड लगत असलेल्या ग्रीन पार्क कॉलनी येथे आयशर गाडी व ट्रॅक्टर हे दि २१ रोजी रात्री लावलेले होते. यावेळी मध्यरात्री कॉलनीतील दोन चोरटयांनी लबाडीच्या इराद्याने आयशर गाडी व ट्रॅक्टर नऊ गाड्यांमधील मधील वेगवेगळ्या एक्साईड कंपनीची अकरा बॅटरी एकूण ५३,००० रुपये किमतीच्या चोरुन नेल्या आहेत. यावेळी पोलीस स्टेशनचे पो.कॉ. प्रवीण परदेशी व अमजद पठाण यांनी सदर तपास चक्र फिरवत दोन तासातच आरोपींना तात्काळ जेरबंद बंद केले.
या बाबत फिर्यादी नासिर खान रशिद खान (वय ५२) धंदा-ड्रायव्हर रा. ग्रीन पार्क कॉलनी भडगाव यांच्या फिर्यादीवरून आरोपी समीर शेख ऊर्फ मुन्ना, शोएब शेख दोन्हीही रा. ग्रीन पार्क कॉलनी भडगाव या दोघांविरुद्ध विरुध्द भडगांव पोलीस स्टेशन गु.र.न. २३५/२०२५. भारतीय न्याय संहिता २०२३ चे कलम ३०३ (२) प्रमाणे गुन्हा दाखल करण्यात आला असून पुढील तपास पोलीस निरीक्षक पांडुरंग पवार यांच्या मार्गदर्शनाखाली सहाय्यक फौजदार प्रदिप चौधरी हे करीत आहे.
