जळगाव मिरर । १ फेब्रुवारी २०२३।
मुक्ताईनगर तालुक्यातील एका गावातील मूळ रहिवासी आणि सध्या मुक्ताईनगर शहरात वास्तव्य असलेल्या २५ वर्षीय विवाहितेचा सोशल मीडियावरील ओळखीचा फायदा घेत मलकापूर येथील दोघांनी विनयभंग केला. हा प्रकार ७ जानेवारीला मुक्ताईनगर येथे घडला होता. याबाबत महिलेने ३१ जानेवारीला मुक्ताईनगर पोलिसांत तक्रार दिल्याने गुन्हा दाखल झाला.
मुक्ताईनगर येथील पीडित महिला तिचे पती, मुलगा व मुलीसोबत राहते. मलकापूर येथील संशयित करण वानखेडे आणि गणेश इंगळे यांनी सोशल मीडियावर फ्रेंड रिक्वेस्ट पाठवून महिलेसोबत ओळख केली. नंतर ओळखीचा गैरफायदा घेऊन मुक्ताईनगर येथे ७ जानेवारीला येऊन व्हिडिओ तयार केला. त्यानंतर विनयभंग केला. महिलेच्या फिर्यादीवरून दोघांविरूद्ध मुक्ताईनगर पोलिसांत गुन्हा दाखल झाला. तपास उमेश महाजन करत आहेत. हा गुन्हा दाखल करण्यासाठी पीडित महिलेने स्वत: पोलिस ठाणे गाठून झालेला प्रकार कथन केला.
