जळगाव मिरर | १९ मे २०२३
गेल्या काही महिन्यापासून सोशल मिडीयावर महिलांचे फोटो टाकून चुकीचा मजकूर टाकण्याच्या घटनेत सातत्याने वाढ होत असतांना आता पुन्हा एकदा २८ वर्षीय तरुणीचे फोटो सोशल मिडीयावर टाकून चुकीचा मजकूर टाकल्याप्रकरणी एका अनोळखी इसमाविरोधात जळगावच्या सायबर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, भुसावळ शहरातील २८ वर्षीय तरुणीच्या नावाने सोशल मिडीयावर बनावट इंस्टाग्राम खाते तयार करून त्यावर अनोळखी इसमाने १७ मे रोजी अश्लील मजकूर आणि व्हिडीओ व्हायरल झाल्याचा प्रकार फिर्यादीच्या लक्षात आल्याने त्यांनी सायबर पोलिसात धाव घेऊन अनोळखी इसमाविरोधात सायबर पोलीस स्टेशनला गुन्हा दाखल केला आहे. तपास पोलीस निरीक्षक अशोक उतेकर करीत आहे.
