जळगाव मिरर । ३० ऑक्टोबर २०२२
निसर्ग व सामाजिक पर्यावरण प्रदूषण निवारण मंडळ महाराष्ट्र राज्य आणि साई संस्थान शिर्डी यांचे संयुक्त विद्यमानाने वृक्षमित्र स्व.आबासाहेब मोरे राज्यस्तरीय पर्यावरण मित्र पुरस्कार सन २०२२ जळगाव जिल्ह्याला नुकताच प्रदान करण्यात आला.
हा पुरस्कार जळगाव जिल्ह्याला उत्कृष्ट पर्यावरण कार्याबद्दल प्रदान करण्यात आला. या प्रसंगी डॉ भास्करराव पेरे पाटील पाटोदा आदर्श सरपंच पुरस्कार प्राप्त, साईबाबा संस्थान ट्रस्ट मुख्य कार्यकारी अधिकारी श्रीमती भाग्यश्री बाणायत, राज देशमुख समन्वयक, उपवन संरक्षण अधिकारी सुवर्णा माने मॅडम, राज्याध्यक्ष प्रमोद मोरे, राज्य सचिव वनश्रीताई मोरे, महिला पर्यावरण सखी मंच राज्याध्यक्ष प्रियवंदा तांबोटकर मॅडम, प्रमोद काकडे सर या सर्वांच्या उपस्थितीत जळगाव जिल्ह्याचा पुरस्कार महिला निसर्ग पर्यावरण सखी मंच राज्य उपाध्यक्ष सौ मनिषा पाटील, जळगाव जिल्हा अध्यक्ष नयना पाटील, व शहर अध्यक्ष सौ नेहा जगताप, सौ महानंदा पाटील या सर्वांना पर्यावरण मित्र पुरस्कार शिर्डी येथे प्रदान करण्यात आला.
