जळगाव मिरर | ४ सप्टेंबर २०२३
राज्यातील अनेक शहरात गुन्हेगारी घटना घडत असतांना मुंबईतून एक धक्कादायक घटना समोर आली आहे. मुंबईजवळील पवई या ठिकाणी एका विमान कंपनीत एअर होस्टेस अर्थात हवाई सुंदरी म्हणून काम करणाऱ्या एका तरुणीची हत्या करण्यात आल्याचा धक्कादायक प्रकार समोर आला आहे. मरोळ इथल्या राहत्या घरी तिचा मृतदेह आढळून आल्यानं खळबळ उडाली आहे.
मिळालेल्या माहितीनुसार, छत्रपती शिवाजी महाराज आंतरराष्ट्रीय विमानतळापासून जवळच असलेल्या अंधेरी उपनगरातील मरोळ इथंल्या एनजी कॉम्प्लेक्स इथं ती आपली बहिण आणि मित्रासोबत रहायला होती. छत्तीसगड राज्यातील रायपूर येथील रहिवासी असलेल्या रूपल ओगरे (वय २३) असं या एअर होस्टेसचं नाव आहे. दरम्यान, हत्येची घटना घडली तेव्हा रुपल घरी एकटीच होती कारण तिची बहिण आणि मित्र हे दोघेही आपल्या गावी गेले होते. पवई पोलीस आणि गुन्हे शाखेचे अधिकारी घटनास्थळी दाखल झाले असून पुढील तपास सुरु करण्यात आला आहे.
