जळगाव मिरर | १६ जून २०२५
जळगाव जिल्हा अम्यूचर मल्लखांब असोसिएशन व एकलव्य क्रीडा संकुल यांच्या संयुक्त विद्यमाने आज जागतिक मल्लखांब दिनानिमित्त जिल्हास्तरीय मल्लखांब स्पर्धेचे आयोजन करून साजरा करण्यात आला एकलव्य क्रीडा संकुलात झालेल्या या स्पर्धेत जिल्हाभरातून खेळाडू सहभागी झाले होते.
स्पर्धेचे उद्घाटन मल्लखांबचे जनक बाळंभट्टदादा देवधर व शक्तीची देवता मारुतीराया यांच्या प्रतिमेचे पूजन व माल्यार्पण तसेच मल्लखांब व साहित्याचे पूजन करून करण्यात आले स्पर्धेचे पारितोषिक वितरण जिल्हा धर्मदाय आयुक्त श्री.मोहन गाढे, RTO सब इन्स्पेक्टर श्री.पुरुषोत्तम शेवाळे, जळगाव जिल्हा मल्लखांब असोसिएशनचे अध्यक्ष श्री.राजेश जाधव, RTO सब इन्स्पेक्टर श्री. स्वप्निल दाभाडे, ॲड.निशांत अत्रे, जळगाव जिल्हा डॉजबॉल असोसिएशनचे सचिव श्री.योगेश सोनवणे, उद्योजक श्री.निलेश अजनाडकर व श्री.प्रसाद खंडेलवाल यांच्या हस्ते प्रत्येक गटातील प्रथम तीन खेळाडूंना पदके देवून गौरविण्यात आले याप्रसंगी खेळाडू व पालक यांची उपस्थिती होती कार्यक्रमाचे सूत्रसंचालन जिल्हा मल्लखांब असोसिएशनचे सहसचिव श्री.नरेंद्र भोई यांनी केले स्पर्धेत पंच म्हणून नरेंद्र भोई, धनराज भोई, ईशा पिंप्रिकर, तुषार जोहरे, ईशिका लखवाणी, आशुतोष भोई, चारुशीला भोई व सागर चौधरी यांनी काम पाहिले स्पर्धा ८/१०/१२/१४/१६ व १९ वयोगटात घेण्यात आली स्पर्धेच्या यशस्वी आयोजनासाठी एकलव्य क्रीडा संकुल यांचे मोलाचे सहकार्य लाभले
