जळगावात बँकेचे खाते बंद झाले सांगत ९ लाखात फसवणूक

जळगाव : प्रतिनिधी

बँकेचे खाते बंद पडेल, अशी भीती दाखवून जळगावातील एका सेवानिवृत्त वृद्धाची तब्बल ९ लाख १९ हजार ९९५ रुपयात फसवणूक केल्याची खळबळजनक घटना उघडकीस आली आहे.

सविस्तर वृत्त असे की, सुभाष राजाराम पाटील (वय ६१, नौ. सेवानिवृत्त वरिष्ठ सचिवालय) हे शहरातील कोल्हे नगर परिसरात परिवारासह वास्तव्यास आहेत. दि. ६ सप्टेंबर रोजी कुणीतरी अज्ञात व्यक्तीने सुभाष पाटील यांना खोटा व बनावट SMS पाठवला. नंतर ८७६८२५१४६९ या मोबाईल नंबरवरून त्यांना फोन करत तुमचे बँकेचे खाते बंद पडेल, अशी भीती दाखवली. यानंतर खाते चालु ठेवण्यासाठी SMS मध्ये असलेल्या लिंकवर क्लीक करण्यास भाग पाडून त्यात आधारकार्ड व पॅनकार्डची माहिती भरण्यास सांगितले. त्यानंतर सुभास पाटील यांच्या मोबाईलवर आलेला OTP विचारून त्यांच्या खात्यातून तब्बल ९ लाख १९ हजार ९९५ रुपये ऑनलाईन ट्रान्सफर करून घेतले. या प्रकरणी जळगाव सायबर पोलिसात ८७६८२५१४६९ आणि अन्य अज्ञात मोबाईल धारकविरुद्ध गुन्हा दाखल करण्यात आला असून पुढील तपास पो.नि.लिलाधर कानडे हे करीत आहेत.