जळगाव मिरर / ११ एप्रिल २०२३
राज्यातील भाजपसह शिंदे गट ज्या पद्धतीने काम करीत आहे. त्याच पद्धतीने विरोधी पक्ष असलेला महाविकास आघाडी देखील त्याच जोमात सरकारवर हल्लाबोल करीत असताना नेहमी दिसत आहे. पण काही ठिकाणी महाविकास आघाडीच्या नेत्यांमध्ये बिघडत असल्याचे चित्र जाणवताच ठाकरे गटाचे नेते उद्धव ठाकरे यांनी आज सिल्व्हर ओक येथे पवारांच्या निवासस्थानी भेट घेतल्याचे खात्रीलायक वृत्त आहे.
मविआतील प्रमुख नेत्यांत काही मुद्यांवरून उघड मतभेत झाले आहेत. सावरकरांचा मुद्दा असो की, काॅंग्रेसची जेपीसी चौकशीची मागणी आणि राष्ट्रवादी काॅंग्रेसचे अध्यक्ष शरद पवारांकडून जेपीसीबद्दलचे वक्तव्य यामुळे आज शरद पवार आणि माजी मुख्यमंत्री उद्धव ठाकरे यांची आज सिल्व्हर ओक येथे पवारांच्या निवासस्थानी भेट घेतली.आता या नेत्यांत नेमकी काय चर्चा झाली हे थोड्याच वेळात कळेल. महाविकास आघाडीत सध्या मतभेद आहेत. काही मुद्द्यांवर त्यांचे एकमत नाही. त्यामुळे ही भेट महत्वाची ठरू शकते. पंतप्रधान नरेंद्र मोदी यांची डिग्री असो की, उद्योगपती गौतम अदानी यांच्या जेपीसी चौकशीची मागणी किंवा सावरकरांबाबतची भुमिका यावरुन आघाडीत मतभेदाची बिघाडी आहे.
हि असू शकते रणनीती
आगामी लोकसभा आणि विधानसभा निवडणुकांमध्ये भाजपचा पराभवासाठी एकत्र असणे आवश्यक आहे. हे उद्धव ठाकरेंनीही छत्रपती संभाजीनगरच्या सभेत सांगत आम्ही एकत्रच आहोत हे ठणकावून सांगितले होते. त्यामुळे मविआ ही सध्यातरी अभेद्य आहे. महाविकास आघाडीत कोणत्या पक्षाला आणि उमेदवाराला कोणता मतदारसंघ द्यावा, याची चाचपणी आता सुरु झाल्याची शक्यता आहे. ठाकरे आणि पवार भेटीत या मुद्द्यावर चर्चा होण्याची शक्यता वर्तवली जात आहे.
