जळगाव मिरर | ५ जुलै २०२३
राज्यातील शिवसेनेत झालेल्या बंडानंतर राष्ट्रवादीत देखील शरद पवारांचे पुतणे अजित पवारांनी मोठे बंड केल्यानंतर आज राष्ट्रवादी कुणाची यावर कार्यकर्त्यासह नेत्यांची शरद पवार व अजित पवारांनी बैठक बोलविली आहे. त्यावर आज राज्यातील कार्यकर्त्यासह जनतेचे लक्ष लागून आहे. शरद पवार गटाची दक्षिण मुंबईतील यशवंतराव चव्हाण सेंटर येथे दुपारी एक वाजता, तर अजित पवार गटाची वांद्रे उपनगरातील भुजबळ नॉलेज सिटी येथे एमईटी कॉलेच्या प्रांगणात सकाळी ११ वाजता बैठक होणार आहे.
एकूण 53 आमदारांपैकी ज्या गटात सर्वाधिक आमदार असतील, तोच गट आपण राष्ट्रवादी काँग्रेस पक्ष असल्याचा घटनात्मक अधिकार सांगू शकेल. आज बैठकांमधून कोणत्या गटाकडे किती आमदार, हे स्पष्ट होणार आहे. त्यामुळे राष्ट्रवादी काँग्रेस व अजित पवार विरुद्ध शरद पवार या लढाईसाठी आजचा दिवस अत्यंत महत्त्वाचा आहे. सूत्रांनी दिलेल्या माहितीनुसार, शरद पवार गटाच्या बैठकीला उपस्थित राहणाऱ्यांना प्रतिज्ञापत्र आणण्यास सांगण्यात आले आहे. यासाठी व्हीपही जारी करण्यात आला आहे. दरम्यान, अजित पवार गटाला 42 आमदारांचा पाठिंबा असल्याचे सांगण्यात आले आहे.
वांद्रे येथील एमईटी कॉलेच्या मैदानावर अजित पवार गटाच्या बैठकीला थोड्याच वेळात सुरूवात होत आहे. दरम्यान, आपला फोटो वापरू नये, अशी शरद पवारांनी तंबी देऊन अजितदादांच्या गटाने स्टेजवर शरद पवारांचे फोटो लावले आहेत. वांद्रे येथील बैठकीआधी सुनील तटकरे अजित पवार यांचे निवासस्थान देवगिरीवर दाखल झाले आहेत. सुनील तटकरे म्हणाले, महाराष्ट्राच्या कानाकोपऱ्यातून राष्ट्रवादीचे पदाधिकारी, लोकप्रतिनिधी बैठकीला येतील. आमच्यासोबत किती आमदार आहेत, हे तुम्हाला थोड्याच वेळात कळेल. आमदार अशोक पवाह सिल्वर ओक बंगल्यावर दाखल. अजित पवारांनी खोटे बोलून आमच्या सह्या घेतल्या. सह्या का घेण्यात येत आहे, हे देखील आम्हाला माहिती नव्हते, असा आरोप त्यांनी केला. सुप्रिया सुळे वाय. बी. चव्हाण सेंटरमध्ये दाखल झाल्या आहेत. बीड जिल्ह्यातील माजलगाव मतदार संघाचे राष्ट्रवादीचे आमदार प्रकाश सोळंके, गेवराईचे माजी आमदार अमरसिंह पंडित हे अजित पवार यांच्या गटात सहभागी झाले आहेत.