जळगाव मिरर | ११ जानेवारी २०२४
जळगाव जिल्ह्यातील रावेर येथील प्रसिद्ध उद्योजक श्रीराम पाटील हे उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष अजित पवार यांच्या नेतृत्वावर विश्वास ठेवून लवकरच रावेर येथे राष्ट्रवादी काँग्रेस पक्षात आपल्या हजारो कार्यकर्त्यांसह पक्षप्रवेश करणार आहेत.
मुंबई येथील देवगिरी या अजित पवार यांच्या निवासस्थानी ९ जानेवारी रोजी सकाळी ८ वाजेला भेट घेऊन श्रीराम पाटील यांनी विस्तृत चर्चा करुन आपली भूमिका स्पष्ट केली. या वेळी राष्ट्रवादी पक्षाचे प्रदेशाध्यक्ष सुनील तटकरे, मदत व पुनर्वसन मंत्री अनिल पाटील यांचीही त्यांनी या वेळी भेट घेतली. याप्रसंगी श्रीराम पाटील यांच्यासोबत राष्ट्रवादीचे जळगाव जिल्हाध्यक्ष उमेश नेमाडे, डी. डी. बच्छाव, रावेरचे माजी नगराध्यक्ष शीतल पाटील, मराठा सेवा संघाचे उत्तर महाराष्ट्र विभागीय अध्यक्ष राम पवार, भाऊसाहेब सुरेश पाटील, प्रा. गोपाल दर्जी, प्रवीण बोरसे, इरफान तडवी आदी उपस्थित होते.
