जळगाव मिरर | १४ मार्च २०२४
शहरातील एमआयडीसी परिसरातील मिनाक्षी गोल्ड या चटई कंपनीत काम करणारा परप्रातीय निलेश रामलाल शिलारे वय 29 वर्षे, रा. रामटेक रय्यद जि हरदा म.प्र ह.मु रायपुर कुसुबा जळगाव हा त्याचा भाउ शिवा असे दोघे होळी सणानिर्मीत्त त्यांचे मुळगावी जाणेसाठी दिनांक ९ मार्च रोजी रेमंड चौफुली येथुन रेल्वे स्टेशन येथे जाणेकामी रिक्षात जात असतांना रिक्षाचालक व रिक्षामध्ये असलेला रिक्षा चालकाचा साथीदार अशांनी रिक्षा रेल्वेस्टेशन कडे न नेता रिक्षा खेडी पेट्रोल पंपाजवळ घेवुन जावुन रात्री 12.00 वाजता त्यांना शिवीगाळ व दमदाटी करुन व मारहाण करुन ५ हजार रुपये बळजबरीने काढुन घेतले होते. म्हणुन निलेश शिलारे याने फिर्याद दिल्यावरुन अज्ञात रिक्षा चालक व त्याचे साथीदार विरुध्द एमआयडीसी पोस्टे येथे जबरी चोरीचा गुन्हा दाखल करण्यात आला होता.
हा गुन्हा दाखल झाल्यानंतर अज्ञात रिक्षा चालकाचा गुन्हे शोध पथकाकडुन शोध सुरु होता फिर्यादीने सांगितलेल्या रिक्षांचे वर्णनावरुन सदरचा गुन्हा हा एमआयडीसी परिसरातील रिक्षा चालकांने केल्या असल्यांबाबतची माहिती पोलीस निरिक्षक श्री बबन आव्हाड यांना मिळाली होती त्याप्रमाणे सदर रिक्षाचालकाचा शोध घेवुन त्याला ताब्यात घेतले होते. त्याने सदरचा गुन्हा केल्याचे कबुल करुन लागलीच त्याच्या दुस-या साथीदाराला ताब्यात घेतले होते. त्याच्याकडुन गुन्हयात वापरलेली रिक्षा जप्त करण्यात आली असुन त्यांना अटक करण्यात आलेली आहे.
यांनी केली कारवाई
पोलीस अधिक्षक श्री महेश्वर रेडडी, अपर पोलीस अधिक्षक अशोक नखाते, उपविभागीय पोलीस अधिकारी संदीप गावीत यांच्या मार्गदर्शनाखाली पोलीस निरिक्षक श्री बबन आव्हाड, पोउन दत्तात्रय पोटे, पोउनि निलेश गोसावी, पोउनि दिपक जगदाळे, सफौ अतुल वंजारी, पोहेकॉ किरण पाटील, पोकॉ राहुल रगडे, विशाल कोळी, राहुल पाटील, ललीत नारखेडे, साईनाथ मुंढे यांनी केली आहे.
