जळगाव मिरर | ११ जुलै २०२४
खूप प्रयत्न करुन देखील चांगला जॉब लागत नसल्याने मी खूप वर्षांपासून टेन्शन मध्ये होतो. मी माझ्या स्वइच्छेने जीवन संपवित आहे, आई-पप्पा मला माफ करा अशा आशयाची सुसाईट नोट लिहून निलेश सुरेश सोनवणे (वय २५, रा. अयोध्या नगर) या तरुणाने गळफास घेत आत्म्हत्या केली. ही घटना मंगळवारी रात्रीच्या सुमारास उघडकीस आली. पोलिसांनी सुसाईट नोट जप्त केली असून याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील अयोध्या नगरातील निलेश सोनवणे या तरुणाचे पदव्युत्तरपर्यंत शिक्षण झालेले होते. तो आई-वडील व मोठ्या भावासह अयोध्यानगरात राहत होता. त्याने नोकरीसाठी अनेक ठिकाणी अर्ज केले होते, मात्र चांगला जॉब मिळत नसल्याने तो काही दिवसांपासून तो तणावात होता. मंगळवारी त्याचे आई-वडील व भाऊ हे सर्व इगतपुरी येथे लग्नाला गेले होते. त्यामुळे नीलेश हा घरी एकटाच होता. यावेळी निलेश याने राहत्या घरात गळफास घेवून आपली जीवनयात्रा संपविली. त्याचे आईवडील सोबत संपर्क साधत होते, मात्र तो प्रतिसाद देत नसल्याने त्यांनी गल्लीतील मित्रांना घरी जाण्यास सांगितले.
गल्लीतील काही मित्र रात्री १० वाजता निलेशच्या घरी पोहचले. यावेळी निलेश हा त्यांना गळफास घेतलेल्या अवस्थेत दिसून आल्याने त्यांना धक्काच बसला. त्यांनी घटनेची माहिती तात्काळ एमआयडीसी पोलिसांना दिली. त्यानुसार पोहेकॉ प्रदीप पाटील व अन्य सहकारी घटनास्थळी पोहचले.
