जळगाव मिरर | २ जानेवारी २०२५
राज्यभरात बीड येथील सरपंच हत्या प्रकरणाची चर्चा सुरु असून नुकतेच विरोधक सत्ताधार्यांवर टीकास्त्र सोडले आहे. काँग्रेसचे नेते विजय वडेट्टीवार थेट सरकारवर टीका केली आहे.
काँग्रेसचे नेते विजय वडेट्टीवार म्हणाले कि, मोठ्या आकाला वाचवण्यासाठी लहान आकाचा एन्काऊंटर होऊ शकतो, अशी आमच्याकडे माहिती असल्याचा आरोप त्यांनी यावेळी केला आहे. मोठ्या आकाला वाजवण्यासाठी, पुरावा नष्ट होण्याची शक्यता विश्वासनीय उच्चपदस्थ अधिकाऱ्यांनी माझ्याशी बोलताना व्यक्त केली. वाल्मीक कराडचे सध्या पोलिस कोठडीमध्ये लाड सुरू असल्याचा आरोप त्यांनी केला. त्याच्यासाठीच काल पोलिस ठाण्यामध्ये कॉट पोहोचला. हा कॉट कशासाठी पोहोचला, याची चौकशी करण्याची मागणी देखील वडेट्टीवार यांनी राज्य सरकारकडे केली.
मंत्रिमंडळामध्ये खात्यांवरून रणकंदन सुरू असल्याचा आरोप देखील वडेट्टीवार यांनी केला. अनेक मंत्र्यांनी अद्याप पदभार स्वीकारलेला नाही. यावरून देखील वडेट्टीवार यांनी टीका केली. आधी मंत्रिमंडळ स्थापन करण्यासाठी उशीर आणि पदभार घेण्यासाठी देखील उशीर होत आहे. यावरुन त्यांनी राज्य सरकारवर टीका केली. राज्यात धान खरेदीसाठी मुदतवाढ द्यावी, अशी मागणी त्यांनी राज्य सरकारकडे केली आहे.
26 जानेवारी पर्यंत पालकमंत्री पद वाटप होईल, असे म्हटले जाते. मात्र इतके दिवस कशासाठी? अनेक जिल्ह्यांमध्ये अनेक प्रश्न प्रलंबित आहेत, त्यामुळे पालकमंत्री पदाचे वाटप लवकरात लवकर करायला हवे, अशी मागणी देखील त्यांनी केली आहे. पाशवी बहुमत मिळून देखील मंत्रिमंडळ धड चालत नाही. पालकमंत्री नेमले जात नाही, मंत्री नेमून देखील ते पदभार घेत नाहीत, बंगले वाटपावरुन देखील भांडण सुरू आहे. त्यामुळे लोकांना वाऱ्यावर सोडून सत्तेमध्ये मलिदा खाण्यासाठी, सत्तेचे ऐश्वर्य भोगण्यासाठी तुम्हाला लोकांनी निवडून दिले का? असा प्रश्न त्यांनी उपस्थित केला. त्यामुळे जनाची नाही तर मनाची तरी लाज बाळगा, आणि महाराष्ट्रातील जनतेला वाऱ्यावर सोडू नका, असे देखील वडेट्टीवार यांनी म्हटले आहे.
