जळगाव मिरर | संदीप महाले
गेल्या काही महिन्यापासून जळगाव सार्वजनिक विभाग विविध अडचणीचा सामना करीत असताना आता एका कर्मचाऱ्यांनी चक्क अडीच कोटींची 28 कामे स्वतःच्या घरात घेतल्याचा धक्कादायक प्रकार समोर आला आहे. त्यामुळे जळगाव सार्वजनिक बांधकाम विभागात नेमके अधिकारी काय काम करतात याबाबत चर्चा सुरू झाली आहे.
जळगाव सार्वजनिक बांधकाम विभागातील एका कर्मचाऱ्यांनी वरिष्ठ अधिकाऱ्यांशी संगणमत करून शहरातील शासकीय बंगले कार्यालयाची दुरुस्ती करण्यासाठी चक्क अडीच कोटी रुपयांची 28 कामे स्वतःच्या परिवारातील मुलासह सुनेच्या नावावर टेंडर घेतले व ते आतापासून नाही तरी अनेक वर्षापासून सुरू आहे. त्यामुळे या विभागात सर्वच अधिकारी संगणमत करून शासनाच्या पैशांवर डल्ला मारत आहे की काय अशी देखील चर्चा सुरू झाली आहे.
तत्कालीन अधिकाऱ्यांवर कारवाई होणार का?
जळगाव सार्वजनिक बांधकाम विभागातील ‘फॅमिली टेंडर पॅकेज’ देणाऱ्या तत्कालीन अधिकाऱ्यांवर कारवाई होणार का याबाबत देखील अनेक प्रश्न निर्माण होत आहे याच विभागातील एक अधिकारी गेल्या आठ महिन्यापासून बदली होऊन देखील शहरातील एका शासकीय गेस्ट हाऊसला बसून अनेक कामे करीत असल्याची देखील चर्चा दबक्या आवाजात सुरू आहे.
वरिष्ठ अधिकाऱ्यांचे पाठबळ असल्याची चर्चा…
जळगाव सार्वजनिक बांधकाम विभागात अनेक छोटे-मोठे अधिकारी वरिष्ठ अधिकाऱ्यांचे पाठबळ घेऊन असे छोटे-मोठे उद्योग करीत असतात त्याचा फायदा देखील वरिष्ठ अधिकाऱ्यांना पोहोचत असतो त्यामुळे वरिष्ठ अधिकारी या फॅमिली टेंडर पॅकेज कडे जास्त लक्ष देत नाही मात्र त्यामुळे जनतेच्या पैशांवर अधिकारीच मस्तावले असल्याचा प्रकार देखील आता समोर आला आहे त्यामुळे जळगाव जिल्ह्यातील चार मंत्री याकडे लक्ष देणार की शांततेत हे प्रकरण देखील मिटवले जाईल याबाबत देखील चर्चा सुरू झाली आहे.
