मुंबई : वृत्तसंस्था
आतापर्यंत तुम्ही अनेकदा पाहिले असेल की, कुठल्याही प्राण्यांनी माणसावर हल्ले केले आहेत कारण हे हल्ले फक्त ते आपले पोट भरण्यासाठी करत असतात. पण या हिंस्र प्राण्यांपेक्षाही माणसाचं हिंसक रूप समोर आलं आहे. अशा खतरनाक प्राण्याचाही छळ करून करून माणसांनी त्याचा जीव घेतला आहे. एका बिबट्यासोबत माणसांनी केलेल्या संतापजनक कृत्याचा व्हिडीओ सोशल मीडियावर व्हायरल होतो आहे.
एरवी माणसांना तुम्ही श्वानासारख्या साध्या प्राण्याचा छळ करताना पाहिलं असेल पण आता तर माणसांनी क्रूरतेची हद्दच पार केली. बिबट्यासारख्या खतरनाक प्राण्यालाही त्यांनी सोडलं नाही. एका तरुणाने चित्त्याचे पाय-शेपटी धरून, त्याचा शारीरिक छळ केला. त्याने त्याला इतकं छळलं की या चित्त्याचा मृत्यू झाला आहे, असं या व्हिडीओत नमूद केलं आहे.
आयएफएस अधिकारी परवीन कासवान यांनी आपल्या ट्विटर अकाऊंटवर हा व्हिडीओ पोस्ट केला आहे. व्हिडीओत तुम्ही पाहू शकता एक बिबट्या रस्त्यावरून जाताना दिसतो आहे. त्याचवेळी एक तरुण आपल्या एका हातात त्या बिबट्याचा एक पाय आणि एका हातात त्याची शेपटी धरतो. चित्ता त्या तरुणाच्या तावडीतून सुटण्यासाठी आपली संपूर्ण ताकद लावतो. पण तरुणाने त्याला इतकं घट्ट पकडलं आहे की चित्ता काही त्याच्या तावडीतून सुटत नाही.
Identify the animal here !! pic.twitter.com/MzAUCYtBOM
— Parveen Kaswan, IFS (@ParveenKaswan) August 17, 2022
बिबट्यासारख्या प्राण्याच्या चेहऱ्यावरही भीती, थकवा दिसतो आहे. तो इतका घाबरला आणि थकला आहे की त्रास देणाऱ्या या माणसांवर पलटवार करण्याचा सोडा स्वतःला वाचवण्याचीही ताकद त्याच्यात उरली नाही आहे. यावरूनच या माणसांनी त्या बिबट्याची काय आणि किती भयंकर अवस्था केली ती दिसते.
