जळगाव मिरर | १५ एप्रिल २०२६
कुटुंबिय कामाला गेलेले असतांना सोळा वर्षीय अल्पवयीन मुलीवर तिच्या ३४ वर्षीय मावसाने वेळोवेळी अत्याचार केला. या अत्याचारातून ती अल्पवयीन मुलगी गर्भवती राहिल्याची घटना उघडकीस आली आहे. दरम्यान, ऑक्टोंबर २०२५ पासून तो नराधम या मुलीवर अत्याचार करीत होता. या प्रकरणी मावसाविरुद्ध पोक्सोतंर्गत गुन्हा दाखल करून त्याला अटक करण्यात आली आहे. जळगाव तालुका पोलिस स्थानकाच्या हद्दीत ही घटना घडली आहे.
मिळालेल्या माहितीनुसार, जळगाव तालुका पोलीस ठाण्याच्या हद्दीत १६ वर्षीय अल्पवयीन मुलगी वास्तव्यास आहे. दरम्यान, सन २०२५मधील दिवाळी सणाच्या १५ दिवस अगोदर तालुका पोलिस ठाण्यातील एका गावातील १६ वर्षीय मुलगी घरी एकटीच असताना तिच्या ३४ वर्षीय मावसाने तिच्यासोबत जबरदस्ती करीत अत्याचार केला. त्यानंतरही मुलीला जिवे ठार मारण्याची धमकी देत त्याने वेळोवेळी तिच्यावर अत्याचार केला. अत्याचार केल्याने सदर मुलगी गर्भवती राहिली. त्यामुळे तिला शासकीय वैद्यकीय महाविद्यालय व रुग्णालयात दाखल केले.
डॉक्टरांनी घटनेची माहिती तालुका पोलिसांना दिल्यानंत पोलिसांनी तपास सुरू केला त्या वेळी मुलीचा जबाब घेतल असता मावसाने अत्याचार केल्याच सांगितले. मुलीच्या फिर्यादीवरून तालुका पोलिस ठाण्यात अत्याचार करणाऱ्या मावसाविरुद्ध पोक्स कलमान्वये गुन्हा दाखल करण्यात येऊन त्याला अटक करण्यात आले आहे. पुढील तपास उपनिरीक्षक विजय पाटील करीत आहेत.
