जळगाव मिरर | १७ ऑक्टोबर २०२३
जळगाव जिल्ह्यात अनेक दिवसापासून महिलांसह अल्पवयीन मुलीचे सोशल मीडियाच्या अनेक वेबसाईटवरून फसवणुकीच्या तक्रारी वाढत असताना एक धक्कादायक घटना चोपडा तालुक्यात घडली आहे. चक्क एका ३३ वर्षीय महिलेला जीवनसाथी ऍपवर ओळख झाल्यानंतर तरुणाने युवतीचा विश्वास संपादन करून तब्ब्ल ४ लाख ८९ हजार रुपयांची फसवणूक केल्याची घटना उघडकीस आल्यानंतर जळगाव सायबर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, चोपडा तालुक्यात राहणारी तरुणीची जीवनसाथी ऍपवर संशयित आरोपी डॉ. सनि अमितव पेमा यांच्याशी ओळख निर्माण झाली .
यानंतर आरोपी डॉ. सानी याने विश्वास संपादन करून दिनांक २६ जुलै २०२३ ते दि. २३/सप्टेंबर २०२३ यादरम्यान डॉ. सानिष अमितव पेमा याने इलेक्ट्रॉनिक माध्यमांचा वापर करुन जिवनसाथी ॲप वर युवतीला यांना जिवनसाथी या ऑनलाईन अॅपवर रिक्वेस्ट पाठवुन फिर्यादी यांचे सोबत ओळख करुन व्हाट्सअप व जीमेल चॅट द्वारे चॅटींग करुन, फिर्यादी यांचा विश्वास संपादन करुन वेगवेगळे कारणे सांगुन कल्पना कश्यप या नावाच्या HDFC बँक शाखा – सेक्टर १५C, वसुंधरा गाझीयाबाद उत्तरप्रदेश या बँक खात्यात PAYTM द्वारे व YONO SBI ॲपद्वारे एकुण ४ लाख ८९ हजार रुपये स्विकारुन युवतीची आर्थिक फसवणुक केली असल्याचे लक्षात आल्यानंतर युवतीने सायबर पोलिसांत धाव घेऊन फिर्याद दिल्यावरून गुन्हा दाखल करण्यात आला आहे . तपासी अंमलदार :- पो.नि. श्री. लिलाधर कानडे,करीत आहे .
