जळगाव : प्रतिनिधी
स्थानिक गुन्हे शाखा अर्थात एलसीबी पीआय म्हणून रात्री नियुक्ती झालेले पाचोरा पोलीस स्थानकाचे पोलीस निरीक्षक किसनराव नजन-पाटील यांच्या नियुक्तीला आयजी बी.जी.शेखर यांनी स्थगिती दिली आहे.
पाचोरा पोलीस स्थानकाचे पोलीस निरीक्षक किसनराव नजन-पाटील यांच्याकडे जळगाव एलसीबीचा पदभार सोपविण्यात आला आहे. याबाबतचे आदेश पोलीस अधीक्षक डॉ. प्रवीण मुंढे यांनी शुक्रवारी रात्री काढले होते. किसनराव नजन-पाटील यांच्याकडे पाचोरा पोलीस ठाण्यासह स्थानिक गुन्हे शाखेचा अतिरिक्त कार्यभार नियमित नेमणुक आदेश होईपावेतो देण्यात आला होता. परंतू आज दुपारी आयजी बी.जी.शेखर यांनी किसनराव नजन-पाटील यांच्या नियुक्तीला स्थगिती दिली आहे. तसेच आता एलसीबीची धुरा एपीआय जालिंदर पळे यांच्याकडे पुढील आदेश होईपर्यंत राहणार आहेत.
