जळगाव मिरर | १ ऑक्टोंबर २०२३
राष्ट्रवादी काँगेसच्या कार्याध्यक्ष खा .सुप्रियाताई सुळे आणि राष्ट्रवादी काँग्रेस महिला आघाडीच्या प्रदेशाध्यक्ष ॲड. रोहिणीताई खडसे या दि 1,2, आणि 3 ऑक्टोंबर रोजी विदर्भ दौऱ्यावर आहेत यात त्या नागपुर, वर्धा, आणि अमरावती जिल्हयाचा दौरा करणार असुन आज रविवार 1 ऑक्टोंबर रोजी नागपूर येथील दिक्षाभुमी येथे भारतरत्न डॉ. बाबासाहेब आंबेडकर यांच्या स्मारकास अभिवादन करून त्यांनी विदर्भ दौऱ्यास सुरुवात केली
भारतरत्न डॉ. बाबासाहेब आंबेडकर यांनी लक्षावधी अनुयायांसह बौद्ध धर्माची दीक्षा घेतली. त्या नागपूर येथील दीक्षाभूमी येथे
खा .सुप्रियाताई सुळे आणि ॲड. रोहिणीताई खडसे यांनी डॉ.बाबासाहेब आंबेडकर यांच्या स्मारकाला पुष्पहार अर्पण करून अभिवादन केले व नतमस्तक झाल्या यासोबतच तथागत गौतम बुद्ध यांच्या प्रतिमेला अभिवादन करून बोधीवृक्षाचे दर्शन घेतले. यावेळी बुध्दवंदना घेण्यात आली. याप्रसंगी दीक्षाभूमी स्मारक समिती तर्फे खा .सुप्रियाताई सुळे आणि ॲड. रोहिणी ताई खडसे यांचा तथागत गौतम बुद्ध यांची प्रतिमा आणि भारताच्या संविधानाची प्रत देऊन सत्कार करण्यात आला.
यावेळी राष्ट्रवादी काँग्रेस महिला आघाडीच्या प्रदेशाध्यक्ष ॲड रोहिणी खडसे म्हणाल्या भारतरत्न डॉ. बाबासाहेब आंबेडकरांनी 14 ऑक्टोबर 1956 ला नागपूरच्या या भुमीवर पूज्य महास्थविर चंद्रमणी याच्याकडून त्रिशरण व पंचशील ग्रहण करून धम्मदीक्षा घेतली होती पुढे नागपूरची हि पवित्र धम्मभूमी दिक्षाभुमी म्हणून ओळखली जाऊ लागली. भारतरत्न डॉ.बाबासाहेब आंबेडकर यांनी पवित्र दिक्षाभुमीवर समता तसेच सामाजिक क्रांतीची मुहूर्तमेढ रोवून समाजातील शोषित, पीडित, वंचित तळागाळातील माणसाच्या वेदनांना न्याय हक्क मिळवून देऊन एक नवा ‘प्रकाशमार्ग’ दिला. ही दिक्षाभुमी अवघ्या विश्वासाठी त्याग, शांती बंधुता आणि मानवतेचा संदेश देणारी असून हि पवित्र भूमी समस्त बहुजनांचे प्रेरणास्थान , ऊर्जास्थान आहे. या ठिकाणी नतमस्तक होऊन कार्यासाठी ऊर्जा, प्रेरणा प्राप्त होते. यावेळी दीक्षाभूमी स्मारक समितीचे सदस्य विलास गजघाटे, माजी मंत्री रमेश बंग, माजी आमदार प्रकाश गजभिये, युवक प्रदेशाध्यक्ष महेबूब शेख,नागपूर शहराध्यक्ष भुवनेश्वर पेठे, जि प सदस्य सलील देशमुख, वर्षा शामकुळे आदी पदाधिकारी उपस्थित होते.