अमळनेर : विक्की उत्तम जाधव
मराठा आरक्षणाची लढाई आता एका निर्णायक टप्प्यावर उभी असून मनोज जरांगे पाटील यांनी सुरू केलेल्या लढ्याला पाठिंबा देण्यासाठी तसेच शासनाने वेळोवेळी खोटी आश्वासने देऊन मराठा समाजाच्या केलेल्या फसवणुकीचा निषेध म्हणून अमळनेर मराठा सेवा संघ व अमळनेर तालुका मराठा समाजातर्फे शुक्रवार, दिनांक ०३ नोव्हेंबर २०२३ रोजी सायंकाळी ०६ वाजता छत्रपती शिवाजी महाराज नाट्यगृह ते बळीराजा स्मारकापर्यंत एका भव्य कॅन्डल मार्च आयोजन करण्यात आले आहे.
मराठा समाजाच्या आरक्षणाच्या प्रश्नावर असलेल्या तीव्र भावना शासनापर्यंत पोहोचविण्यासाठी आपल्या न्याय हक्कासाठी जास्तीत जास्त बंधू-भगिनींनी या मोर्चात सहभागी व्हावे. आपण मोर्चात सहभागी होताना सोबत एक कॅण्डल आणावी तसेच आपल्या माता-भगिनींसह सहभागी व्हावे असे नम्र आव्हान करण्यात येत आहे.
