जळगाव मिरर | १६ डिसेंबर २०२४
शहरातील अनेक ठिकाणी नियमित अपघाताची मालिका सुरु असून नुकतेच राष्ट्रीय महामार्गावरील रत्नाकर नर्सरीजवळ रस्त्याने पायी जात असलेल्या रामचंद्र धनू माळी (वय ५७, रा. शांतीनारायण नगर, रामेश्र्वर कॉलनी) यांना भरधाव वाहनाने धडक दिल्याची घटना दि. १३ रोजी घडली होती. यामध्ये गंभीर जखमी झालेल्या प्रौढाचा उपचार सुरु असतांना मृत्यू झाला. याप्रकरणी धडक देणाऱ्या वाहनचालकाविरुद्ध एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, रामचंद्र धनू माळी हे दि. १३ रोजी साडेतीन वाजेच्या सुमारास राष्ट्रीय महामार्गावरील रत्नाकर नर्सरीजवळून पायी जात होते. यावेळी भरधाव वेगाने येणाऱ्या अज्ञात वाहनाने त्यांना जोरदार धडक दिली होती. धडक दिल्यानंतर वाहन चालक हा तेथून पळून गेला. यामध्ये रामचंद्र माळी हे गंभीर जखमी झाले होते. त्यांच्यावर रुग्णालयात उपचार सुरु असतांना त्यांचा मृत्यू झाला. याप्रकरणी दि. १४ रोजी अज्ञात वाहन चालकाविरुद्ध एमआयडीसी पोलिसात गुन्हा दाखल करण्यात आला असून तपास पोउनि सचिन नवले हे करत आहे.
