जळगाव : प्रतिनिधी
केंद्रीय विद्यालय जळगाव येथे दि २९ रोजी मेजर ध्यानचंद यांच्या जयंतीनिमित्त राष्ट्रीय क्रीडा दिन उत्साहात साजरा करण्यात आला, यावेळी विभागीय व जिल्हा स्तरावरील खेळाडूंचा प्राचार्य. मैथ्यू अब्राहम यांच्या हस्ते प्रमाणपत्र व पदक देऊन गौरव करण्यात आला.
आदित्य दुसाने , अंशुमन लोहार, नंदिनी दुसाने, सानिका पाटील, रश्मी कमोद, प्रसाद बावस्कर या विद्यार्थ्यांची केंद्रीय विद्यालय संगठन अंतर्गत राष्ट्रीय स्तरावर निवड झाली आहे. तर दुपारच्या सत्रात शाळेत व्हॉलीबॉल, कबड्डी, क्रिकेट अशा विविध खेळांचे आयोजन करण्यात आले होते. यामध्ये शाळेतील विद्यार्थी, शिक्षक व पालकांनी उत्स्फूर्तपणे सहभाग घेतला. कार्यक्रमासाठी प्राचार्य श्री मैथ्यू अब्राहम यांचे मार्गदर्शन लाभले. कार्यक्रमाचे यशस्वीतें साठी सर्व शिक्षक व शिक्षकेतर कर्मचारी यांचे सहकार्य लाभले.
