जळगाव मिरर । ११ डिसेंबर २०२२
जिल्हा दुध संघाच्या निवडणुकीत ना.गिरीश महाजन यांचे कट्टर समर्थक असलेले अरविंद देशमुख यांनी दणदणीत विजय मिळवत शेतकरी विकास पॅनलचे खाते उघडले आहे.
जिल्हा दुध संघाच्या निवडणुकीत भटक्या विमुक्त जमाती या प्रवर्गातून शेतकरी विकास पॅनलमधून अरविंद भगवान देशमुख यांनी उमेदवारी अर्ज भरला होता. त्यांच्या समोर विजय रामदास पाटील हे सहकार पॅनलमधून उभे होते. रविवारी सकाळी मतमोजणी सुरू झाली. यात भटक्या-विमुक्त जमाती वर्गवारीचा निकाल लागला. यात अरविंद देशमुख यांनी तब्बल 90 इतक्या मताधिक्याने विजयी पताका फडकवली आहे.
