जळगाव मिरर | १४ नोव्हेबर २०२४
एरंडोल येथून प्रसूत महिला व तिच्या नवजात बाळाला घेऊन येणाऱ्या १०८ या अॅम्बुलन्समधील ऑक्सिजन सिलिंडरचा स्फोट झाला. त्यात वाहनाच्या चिंधड्या होऊन त्याचे तुकडे दीडशे फूट उंच उडाले, तर तब्बल ५०० मीटर अंतरापर्यंत या स्फोटाचे हादरे बसले. चालकाच्या समयसूचकतेमुळे अॅम्बुलन्समधील रुग्ण, त्याचे नातेवाईक, डॉक्टरचे प्राण वाचले आहेत. अग्निशमन दलाच्या दोन बंबाद्वारे आग विझविण्यात आली. ही घटना बुधवारी रात्री ९.१५ ते ९.३० वाजेच्या दरम्यान महामार्गावरील दादावाडीजवळच्या उड्डाणपुलावर घडली.
मिळालेल्या माहितीनुसार, एरंडोल येथून एम.एच.१४ सी.एल.०७९६ ही १०८ अॅम्बुलन्स मनिषा रवींद्र सोनवणे (भिल) (२५, रा. बामणे, ता. एरंडोल) या प्रसूत महिलेसह तिच्या बाळाला घेऊन शासकीय वैद्यकिय महाविद्यालय व रुग्णालयात येत होती. त्या वेळी महामार्गावरील गुजराल पेट्रोल पंपाच्या उड्डाणपुलाजवळ गियर बदल करीत असताना आगीची ठिणगी उडाली. काही तरी गडबड असल्याचा अंदाज आल्याने चालक राहुल बाविस्कर याने वाहन रस्त्याच्या बाजूला घेतले. वाहनातील डॉ. रफिक अन्सारी, रुग्ण व नातेवाईक या सर्वांना खाली उत्तरविले. त्याचवेळी मागून येणाऱ्या दुसऱ्या अॅम्बुलन्समध्ये बसवून त्यांना रुग्णालयात स्वाना केले. हे वाहन पूढे जाताच अॅम्बुलन्समधील ऑक्सिजन सिलिंडरचा जोरात स्फोट झाला. क्षणातच वाहनाच्या बिंधड्या चिंधड्या उडाल्या. आगीच्या ज्वाला आणि सिलिंडर दीडशे फूट उंचापर्यंत उडाले. फुटलेले सिलिंडर रस्त्याच्या दुसन्या कडेला तर रिकामे असलेले सिलिंडर वाहनाजवळ पडले. पुलाच्या खाली वाहनाचा पत्रा उडाला.
चालकामुळे अॅम्बुलन्समधील रुग्ण वाचले तर अमर जैन यांच्यामुळे चालक सुरक्षित राहिला. जैन व पोलिसांनी वाहतूक वळविली. घटना घडली तेव्हा माजी नगरसेवक अमर जैन घरात जेवणाला बसले होते. आवाज पाहून त्यांनी खिडकीतून डोकावून पाहिले तर आगीच्या मोठ्या ज्याला दिसत होत्या. जेवण सोडून त्यांनी तातडीने घटनास्थळी धाव घेत सर्वांत आधी चालक राहुल बाविस्कर याला लांब नेत अग्निशमन दल व पोलिसांना कळविले, दोन्हीं यंत्रणा अवघ्या काही मिनिटातव दाखल झाल्या.
