जळगाव मिरर / २५ एप्रिल २०२३ ।
राज्यात पुढील ७२ तासांत वादळीवाऱ्यासह पाऊस आणि गारपिटीची शक्यता वर्तवण्यात येत आहे. ऐन उन्हाळ्यात राज्यात होत असलेला हवामान बदल हा राजकीय पटलावरही यला मिळत आहे. सर्वकाही सुरळीत दिसत असेलल्या शिंदे-फडणवीस सरकारमध्येही धुसफूस सुरु झाल्याची चर्चा आहे.
राज्यात सुरु असलेल्या सत्तापालटच्या चर्चांदरम्यान मुख्यमंत्री एकनाथ शिंदे तीन दिवसांच्या अनऑफिशियल सुटीवर गेल्याची माहिती आहे. सुप्रीम कोर्टाचा निकाल काय येतो याकडे सर्वच राजकीय पक्षांचे लक्ष लागले असताना राज्यात मुख्यमंत्री बदलाचेही वारे वाहत आहे. त्यातच एकनाथ शिंदे सहकुटुंब त्यांच्या गावी सातारा जिल्ह्यात गेले असल्याची चर्चा आहे. एकनाथ शिंदे यांच्या या अचानक सुटीवर जाण्याच्या चर्चांनी शिंदे गट आणि भाजपमध्येही सर्वकाही आलबेल नसल्याचेच समोर येत आहे.
शिंदे अनऑफिशियल सुटीवर?
एकनाथ शिंदे यांच्या निकटवर्तीयांनी दिलेल्या माहितीनुसार, मुख्यमंत्री एकनाथ शिंदे आणि त्यांचे कुटुंबिय २४ ते २६ एप्रिल रोजी त्यांचे मुळ गावी सातारा जिल्ह्यात जाणार आहेत. राज्यात राजकीय उलथापालथीची चर्चा सुरु असताना मुख्यमंत्र्यांचा हा सातारा दौरा अनेकांना अचंबित करणारा आहे. एकनाथ शिंदे यांनी एक प्रकारे तीन दिवसांची अनऑफिशियल सुटी घेतली आहे. मुख्यमंत्री अनऑफिशियल सुटीवर गेल्याची अधिकृत माहिती नाही, मात्र वरिष्ठ अधिकाऱ्यांसोबतच्या बैठकीनंतर त्यांनी साताऱ्याला जाणार असल्याचे आपल्या स्टाफला सांगितले आहे. मात्र त्यांच्या ऑफिशियल ट्विटर हँडलवर या दौऱ्याबाबतची कोणतीही माहिती नाही.
