जळगाव मिरर | ३ जुलै २०२३
दोन दिवसात राष्ट्रवादीत मोठा भूकंप झाला असून यात अजित पवार यांच्यासह अनेक आमदारांनी भाजप व शिंदेंच्या शिवसेनेसोबत सत्तेत सहभागी झाल्यावर पक्षातील अनेक नेत्यांनी वेगवेगळ्या प्रतिक्रिया दिल्यावर कार्यकर्त्यामध्ये मोठा संभ्रम निर्माण झाला असून आता यावर सुप्रिया सुळे यांनी देखील प्रतिक्रिया दिली आहे.
राष्ट्रवादीतून बाहेर गेलेले सर्व लोक हे आमचे सहकारी नाहीत, तर माझ्या कुटुंबातील लोक आहेत. असे म्हणत सुप्रिया सुळे यांनी प्रसारमाध्यमांच्या प्रश्नांची उत्तरे दिली. शरद पवार हे सर्वांसाठी अतिशय प्रिय आहे. शरद पवारांनी सर्वांना घरातील मुलासारखे वागवले. त्यामुळे ही झालेली घटना आम्हाला वेदना देणार नाही. पण त्याची काही कारणे असतील. अजित दादाशी मी कधीही वाद घालणार नाही. दादा आणि माझ्यात वाद होणार नाही. ते माझे मोठे भाऊ आहेत. मात्र, जेव्हा पक्षाचा प्रश्न येतो तेव्हा मी प्रोफेशनली बघते. 2019 आणि 2023 मध्ये चार वर्षे उलटले आहेत. थोडीशी जबाबदारी माझ्यावर आली आहे, असे देखील सुप्रिया सुळे म्हणाल्या. कोणाच्याही आयुष्यात किती संघर्ष करण्याची आली, तर साताऱ्याची सभा आणि शरद पवारांचा आश्वासक चेहरा, हे त्याचे उत्तर असल्याचे त्या म्हणाल्या. संघर्ष हा प्रत्येकाच्या आयुष्यात येतो, त्यातून बदलण्याचा एक मार्ग असतो. दुसरा मार्ग नव्या उमेदीने उभा करायचा असतो, असे देखील त्या म्हणाल्या.
