जळगाव मिरर | १९ जून २०२५
शहरातील महामार्गावरील हॉटेल रॉयल फर्निचरजवळ रिक्षाची वाट पाहत उभ्या असलेल्या मिर्झा मोहसीन बेग मेहमूद बेग (वय ३८, रा. मिर्झा पार्क, मदानीनगर, सुप्रिम कॉलनी) याला दुचाकीने जोरदार दिल्याने गंभीर जखमी झाला. ही घटना दि. १४ रोजी रात्री ९ वाजेच्या सुमारास घडली. याप्रकरणी एमआयडीसी पोलिसात गुन्हा दाखल करण्यात आला आहे.
सविस्तर वृत्त असे कि, शहरातील सुप्रिम कॉलनीतील मिर्झा पार्क परिसरात मिर्झा मोहसीन बेग मेहमूद बेग हे वास्तव्यास आहे दि. १४ रोजी रात्री ९ वाजेच्या सुमारास ते छत्रपती संभाजी नगर ते जळगाव रोडवरील महामार्गावरील रॉयल फर्निचरसमोर रिक्षाची वाट पाहत उभे होते. यावेळी काशीनाथ चौकाकडून भरधाव वेगाने येणाऱ्या (एमएच १९, ईसी ९४५४) क्रमांकाच्या दुचाकीस्वाराने त्यांना जोरदार धडक दिली. यामध्ये मिर्झा मोहसीन बेग हे गंभीर जखमी झाले. त्यांनी उपचार घेतल्यानंतर एमआयडीसी पोलिसात तक्रार दिली. त्यानुसार दुचाकीस्वाराविरुद्ध गुन्हा दाखल करण्यात आला आहे.
