जळगाव : प्रतिनिधी
गेल्या दोन दिवसापासून नगरविकास मंत्री एकनाथ शिंदे यांनी राजकारणात भूकंप निर्माण केला आहे. यासाठी मातोश्रीहुन पहिल्या दिवशी दोन नेत्यांना समजविण्याचा प्रयन्त त्या दोन नेत्यांनी केला परंतु त्याचे प्रयन्त फेल झाले त्यांनतर त्याच्यातच सकाळ पासून नॉट रिचेबल असणारे पालकमंत्री गुलाबराव पाटील हे रात्री गुहाटीतील रेडिसन हॉटेल मध्ये पोहोचले आहेत. एका वृत्तवाहिनीच्या कॅमेऱ्यात एकनाथ शिंदे यांच्यासह पालकमंत्री गुलाबराव पाटील यांच्यासह आमदार आले आहे.
मुख्यमंत्री उद्धव ठाकरे यांच्यासोबत असलेले काही मंत्री आणि आमदार देखील एकनाथ शिंदे यांच्यासोबत जाणार असल्याचे वृत्त सकाळपासून समोर येत होते. जळगाव जिल्ह्याचे पालकमंत्री गुलाबराव पाटील हे देखील आता एकनाथ शिंदे यांच्या गोटात गेले आहेत. पालकमंत्री गुलाबराव पाटील हे गुहाटीतील रेडिसन हॉटेल मध्ये पोहोचले आहेत.
शिवसेनेत सध्या उभी फूट पडली असून नगरविकास मंत्री एकनाथ शिंदे विरोधात उद्धव ठाकरे असे चित्र सध्या पाहायला मिळत आहे. एकनाथ शिंदे यांच्यासोबत सुमारे ४६ आमदार गुवाहाटी येथे दाखल झाले असल्याचे म्हटले जात आहे. शिंदे यांचे बंड मोडून काढण्यासाठी शिवसेनेकडून प्रयत्न सुरु होते. बंडखोरांना पुन्हा बोलाविण्यासाठी शिवसेनेचे मुख्य प्रतोद सुनील प्रभु यांनी एक पत्र शिवसेनेच्या सर्व आमदारांना पाठवलं होते. पत्रकात सर्व आमदारांना ५ वाजेपर्यंत मुंबईत येण्याचे आदेश देण्यात आले होते. दरम्यान, एकनाथ शिंदे यांनी ट्विट करीत शिवसेना प्रतोदांनी काढलेला व्हीप बेकायदेशीर असल्याचे त्यांनी म्हटले आहे. त्यानंतर मुख्यमंत्री उद्धव ठाकरे यांनी देखील एक भावुक भाषण करत शिवसैनिकांना समजावण्याचा प्रयत्न केला. त्यावर आता एकनाथ शिंदे यांनी ट्विट केले होते. आता गुलाबराव पाटील देखील आता गुवाहाटीच्या रेडीसन हॉटेलमध्ये दाखल झाले आहेत.
