जळगाव मिरर | २७ नोव्हेबर २०२३
राज्याचे माजी मंत्री व राष्ट्रवादीचे नेते आ.एकनाथराव खडसे व मंत्री गिरीश महाजन यांच्यात गेल्या आठवड्यापासून वाक्ययुद्ध रंगेल असतांना आता आ.खडसे यांनी पुन्हा एकदा मंत्री महाजन यांना आव्हान दिले आहे. मला कार्डीयाटीक अरेस्ट आल्यानंतर मला वेळीच उपचार मिळाल्याने माझा पुर्नजन्म झाला. परंतु मंत्री गिरीश महाजन यांनी माझ्या आजाराविषयी शंका उपस्थित केली होती. त्यामुळे माझी समाजात बदनामी झाली असल्याने त्यांनी मंत्री गिरीश महाजन यांच्याविरुद्ध न्यायालयात अब्रुनुकसानीचा दावा दाखल केला आहे. त्यापोटी त्यांनी नुकसानभरपाई म्हणून एक रुपयांची नोटीस ना. महाजन यांना बजावली असल्याची माहिती आ. एकनाथराव खडसे यांनी पत्रकार परिषदेत दिली. राष्ट्रवादीचे नेते आ. एकनाथराव खडसे यांनी शहरातील निवासस्थानी पत्रकार परिषदेत घेतली.
आ.खडसे म्हणाले कि, जळगावात मला हृदयविकाराच्या झटका आल्यानंतर येथील डॉक्टरांनी तात्काळ मुंबईला हलविण्याचा सल्ला दिला होता. त्यावेळी रोहीणी खडसे यांनी तात्काळ मुख्यमंत्री एकनाश शिंदे यांच्याशी संपर्क साधला आणि मुख्यमंत्र्यांनी देखील कुठलाही विलंब न करता तात्काळ एअर अॅम्ब्युलन्स उपलब्ध करुन दिली होती. त्यांच्यामुळे मला वेळीच उपचार मिळाल्याने माझा पुर्नजन्म झाला आहे. परंतु माझ्या आजारावर ना. गिरीश महाजन यांनी शंका उपस्थित केली होती. त्यावर मी देखील त्यांना माझा आजार खोटा असेल तर तुम्ही मला जोडे मारायला या, अन्यथा माझा आजार खरा निघाला तर मी तुम्हाला जोडे मारेल असे आव्हान दिले होते. राष्ट्रवादीचे नेते आ. खडसे यांनी मुंबईत घेतलेल्या उपचाराचे पत्र समाजमाध्यमांच्या प्रतिनिधींना दिले आहे. त्यानंतर त्यांनी राज्याचे मंत्री गिरीश महाजन यांची किंमत माझ्याकडे एक रुपयापेक्षाही कमी आहे.